ភ្នំពេញ ​៖​ សម្តេច ហ៊ុន សែន នាយករដ្ឋមន្ត្រីកម្ពុជានឹង​អនុញ្ញាត​ឲ្យលោក វ៉ាង យី រដ្ឋមន្ត្រីការបរទេស​ចិន​ចូលជួប​សម្ដែង​ការគួរសម​និង​ពិភាក្សា​ការងារ​នៅ​ទីស្តីការ​នាយករដ្ឋមន្ត្រី​ នៅវេលាម៉ោង១១ព្រឹកថ្ងៃទី១២ ខែតុលា ឆ្នាំ២០២០នេះ។ បន្ទាប់មក​សម្តេច​តេ​ជោ ហ៊ុន សែន នឹង​អញ្ជើញជា​អធិបតីភាព​ក្នុងពិធី​ចុះហត្ថលេខា​លើ​កិច្ចព្រមព្រៀង​ចំនួន​៣ ដែល​ក្នុងនោះ​ ​រួម​មាន​កិច្ចព្រមព្រៀង​ពាណិជ្ជកម្ម​សេរី​កម្ពុជា​-​ចិន​ផងដែរ។​

សូមជម្រាបថា លោក វ៉ាង យី ទីប្រឹក្សា​រដ្ឋ​ និង​ជា​រដ្ឋមន្ត្រី​ក្រសួងការបរទេស​ចិន​បាន​អញ្ជើញ​មកដល់​​ ប្រទេស​កម្ពុជា​នៅវេលា​ម៉ោង​៥ ល្ងាច​ថ្ងៃទី​១១ ​ខែតុលា​ ឆ្នាំ​២០២០​។ លោក វ៉ាង យី ក៏បាន​ជួបពិភាក្សា​ការងារ​ជាមួយ​លោក​ឧបនាយករដ្ឋមន្ត្រី ហោ ណាំ ហុង សហប្រធាន​គណៈក​ម្មា​ធិ​ការសម្របសម្រួល​អន្តរ​រដ្ឋាភិបាល​កម្ពុជា-​ចិន ​ស្តីពី​ភាពជា​ដៃគូ​យុទ្ធសាស្ត្រ​គ្រប់​ជ្រុងជ្រោយ ​និង​សហគមន៍​វាសនា​រួម​កម្ពុជា​-​ចិន​ នៅ​សណ្ឋាគារ​សូ​ហ្វី​តែ​ល​នាល្ងាច​ថ្ងៃទី​១១ ខែតុលា ឆ្នាំ​២០២០ម្សិលមិញផងដែរ​៕