អាមេរិក ៖ អគ្គមេធាវីនៃរដ្ឋញូវយ៉កលោកស្រី Letitia James និយាយថា លោកស្រីបានត្រៀមខ្លួនដើម្បីប្តឹងរដ្ឋបាលលោក Trump ប្រសិនបើរដ្ឋនេះមិនទទួលបានវ៉ាក់សាំងកូវីដដែលត្រូវបានយល់ព្រមរួមជាមួយរដ្ឋផ្សេងទៀតរបស់ប្រទេសនេះទេនោះ។ នេះបើយោងតាមប្រភពពីសារព័ត៌មាន BBC។ថ្លែងនៅព្រឹកថ្ងៃនេះ លោក Trump បាននិយាយថា វ៉ាក់សាំងនឹងមាននៅទូទាំងសហរដ្ឋអាមេរិកលើកលែងតែរដ្ឋញូវយ៉កប៉ុណ្ណោះដោយលោកចោទប្រកាន់ថា ដោយសារតែអភិបាលរដ្ឋនេះលោក Andrew Cuomo ដែលជាអ្នកប្រជាធិបតេយ្យកំពុងពន្យាពេលក្នុងការចែកចាយ។លោក Trump និយាយថា “លោក Cuomo ត្រូវតែជូនដំណឹងដល់យើងនៅពេលគាត់ត្រៀមខ្លួនទទួលយកវា ពីព្រោះបើមិនដូច្នេះទេ យើងមិនអាចបញ្ជូនវាទៅរដ្ឋដែលនឹងមិនផ្តល់ឲ្យប្រជាជនរបស់ខ្លួនភ្លាមៗនោះទេ”។ក្នុងខែកញ្ញា អភិបាលរដ្ឋញូវយ៉កបានបង្កើតក្រុមវិទ្យាសាស្ត្រឯករាជ្យមួយដើម្បីពិនិត្យមើលនូវទិន្នន័យវ៉ាក់សាំងកូវីដដែលបានវិភាគដោយរដ្ឋបាលចំណីអាហារនិងឱសថ។ទោះបីជាយ៉ាងណាក៏ដោយ លោកស្រី James បានរិះគន់ការលើកឡើងរបស់លោក Trump។លោកស្រីបាននិយាយថា “នេះគ្មានអ្វីក្រៅពីអាកប្បកិរិយាដែលចង់សងសឹកដោយប្រធានាធិបតីដែលព្យាយាមសងសឹកទៅលើអ្នកដែលប្រឆាំងនឹងនយោបាយរបស់គាត់នោះទេ”។ លោកស្រីនិយាយថា “ប្រសិនបើការផ្សព្វផ្សាយវ៉ាក់សាំងនេះកើតឡើងចំពេលដ៏ខ្មៅងងឹតនៃរដ្ឋបាលរបស់លោក Trump ហើយលោកប្រធានាធិបតីចង់លេងល្បែងជាមួយជីវិតប្រជាជននោះ យើងនឹងប្តឹងហើយយើងនឹងឈ្នះ”៕
ព័ត៌មានគួរចាប់អារម្មណ៍
បន្តរកឃើញករណីជំងឺកូវីដ-១៩សរុបចំនួន៤៨០នាក់និងចំនួនជាសះស្បើយសរុបកើន៨១៧០នាក់ខណៈស្លាប់ថ្មី៥នាក់ (សហការី)
វ៉ាក់សាំងកូវីដ១៩ស៊ីណូវ៉ាក់(Sinovac)ចំនួន៥០ម៉ឺនដូសទៀតបានមកដល់កម្ពុជាហើយ (សហការី)
សម្តេចប្រធានរដ្ឋសភានិងសម្តេចធម្មវិសុទ្ធវង្សាសៅទីហេងសំរិនអញ្ជើញចាក់វ៉ាក់សាំងការពារជំងឺកូវីដ-១៩ដូសទី២ (សហការី)
ថ្នាក់ដឹកនាំខេត្តកំពង់ឆ្នាំង ចុះសួរសុខទុក្ខ និងនាំយកអំណោយ ជាគ្រឿងឧបភោគ បរិភោគ និងថវិកា ជូនមណ្ឌលចត្តាឡីស័កស្រុក និងជូនប្រជាពលរដ្ឋដែលងាយរងគ្រោះចំនួន ១៨គ្រួសារ (សហការី)
អភិបាលខេត្តបន្ទាយមានជ័យ អញ្ជើញចុះពិនិត្យ និងដោះស្រាយជួសជុលផ្ទះរបស់ប្រជាពលរដ្ឋទទួលរងគ្រោះដោយខ្យល់កន្ត្រាក់ ចំនួន២៣២ខ្នង (សហការី)
វីដែអូ
ចំនួនអ្នកទស្សនា