ខេត្តកំពង់ស្ពឺ ៖ ឃ្លាំងស្តុកទំនិញ វត្ថុធាតុដើមគ្រាប់ស្នោ កាវស លឿង តាំងប៉ាវ ដែលមានយីហោ អ៊ិនធើណល យូនៀន អ៊ិនដាសស្រ្ទី ម្ចាស់ឃ្លាំងឈ្មោះ xiao xi ji ភេទស្រី ជនជាតិចិន បានរងការឆ្លងចរន្តអគ្គិសនី ឆាបឆេះ នៅថ្ងៃទី១១ ខែធ្នូ ឆ្នាំ២០២០ វេលាម៉ោង១០ និង០០ នាទីព្រឹក ស្ថិតនៅក្នុងភូមិព្រៃខ្វាវ ឃុំរកាកោះ ស្រុកគងពិសី ខេត្តកំពង់ស្ពឺ។

ក្នុងពេលឆាបឆេះនេះដែរ ក៏មានរថយន្តពន្លត់អគ្គិភ័យ ជួយអន្តរាគមន៍បាញ់ទឹកពន្លត់ ដោយប្រើប្រាស់រថយន្តពន្លត់អគ្គិភ័យចំនួន ៧គ្រឿង គឺរថយន្តពន្លត់អគ្គិភ័យស្នងការដ្ឋាននគរបាលខេត្តកំពង់ស្ពឺ ចំនួន ០៥គ្រឿង, រថយន្តពន្លត់អគ្គិភ័យអធិការដ្ឋាននគរបាល ស្រុកកណ្ដាលស្ទឹង ចំនួន០១ គ្រឿង និងរថយន្តពន្លត់អគ្គិភ័យបញ្ជាការដ្ឋានអង្គរក្ស ចំនួន០១គ្រឿង ។

តាមការឲ្យដឹងពីសមត្ថកិច្ច ក្នុងការឆាបឆេះឃ្លាំងនេះ មូលហេតុ គឺមណ្ដាលមកពីឆ្លងចរន្តអគ្គិសនី៕