Hang Neak

ថ្ងៃព្រហស្បតិ៍ ទី០២ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

នាយករដ្ឋមន្រ្តីថៃសន្យាលក់វ៉ាក់សាំងកូវីដ១៩ឱ្យប្រទេសសមជិក Acmecs ក្នុងតម្លៃសមរម្យ **|**

នាយករដ្ឋមន្រ្តីថៃសន្យាលក់វ៉ាក់សាំងកូវីដ១៩ឱ្យប្រទេសសមជិក Acmecs ក្នុងតម្លៃសមរម្យ

បាងកក ៖ នាយករដ្ឋមន្រ្តីថៃ លោក ប្រាយុទ្ធ ចាន់អូចា បានបញ្ជាក់ថា ថៃបានត្រៀមខ្លួនផលិត និងចែកចាយវ៉ាក់សាំងកូវីដ១៩ ឱ្យសមាជិក Acmecs ដែលរួមមានប្រទេសកម្ពុជា ឡាវ មីយ៉ាន់ម៉ា និងវៀតណាម ត្រឹមពាក់កណ្តាលឆ្នាំ២០២១។ នេះបើយោងតាមការចេញផ្សាយដោយសារព័ត៌មាន Bangkok post។

ការប្រកាសនេះ ធ្វើឡើងក្នុងកិច្ចប្រជុំកំពូល Acmecs កាលពីពុធសប្តាហ៍មុន តាមរយៈប្រព័ន្ធវីដេអូ។ លោកប្រាយុទ្ធ ថា ថៃនឹងជួយពង្រឹងប្រទេសជាសមាជិក Acmecs ជាពិសេសលើសុខភាពសាធារណៈ។ «ថៃនឹងចាត់ទុកឱសថ និងវ៉ាក់សាំងកូវីដ១៩ ជាទំនិញសាធារណៈ ដែលប្រជាជនក្នុងតំបន់មេគង្គ នឹងទទួលបានដោយស្មើភាពគ្នា ក្នុងតម្លៃសមរម្យ»។

សូមជម្រាបថា ថៃបានចុះកិច្ចព្រមព្រៀងជាមួយក្រុមហ៊ុនអង់គ្លេស AztraZeneca ដោយសហការផលិតវ៉ាក់សាំងកូវីដ១៩ នៅក្នុងប្រទេសថៃ ពោលគឺនៅរោងចក្ររបស់ក្រុមហ៊ុន Siam Bioscience Group ក្នុងខេត្ត Pathum Thani ជិតក្រុងបាងកក។ ក្រុមហ៊ុនថៃមួយនេះ ត្រូវបានជ្រើសរើសជាដៃគូរបស់ក្រុមហ៊ុនអង់គ្លេស AstraZeneca សម្រាប់ផលិតវ៉ាក់សាំងចែកចាយក្នុងតំបន់អាស៊ានតែម្តង៕