ខេត្តកណ្តាល ៖ កាលពីរសៀលថ្ងៃ០៩ ខែកក្កដា ឆ្នាំ២០២០ម្សិលមិញ ឯកឧត្តម គង់ សោភ័ណ្ឌ អភិបាលនៃកណះអភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តបានអញ្ជើញជាអធិបតីដ៏ខ្ពង់ខ្ពស់ក្នុងពិធីសំណេះសំណាលនិងទទួលអំណោយជាថវិកាពីសប្បុរសជន ក្នុងគោលបំណងចូលរួមអបអរសាទរខួបទី១៥៧ ទិវាពិភពលោកកាកបាទក្រហម អឌ្ឍចន្ទក្រហម៨ឧសភា ឆ្នាំ២០២០ ក្រោមប្រធានបទសន្តិភាពនិងកាកបាទក្រហមកម្ពុជា នៅទីស្នាក់ការសាខាខេត្តកណ្តាល ។ថវិកាដែលសប្បុរសជនបានឧបត្ថម្ភជូនដល់សាខានាល្ងាចនេះរួមមាន ៖ ១-លោកស្រី អ៊ាន ស៊ីវម៉ី អគ្គនាយិកាក្រុមហ៊ុន Castle E Diamond និងជាម្ចាស់ Page Sivmey Online shop ដែលចែកចាយផលិតផលថែរក្សាសម្ផស្ស ម៉ាក Ei Ei បានឧបត្ថម្ភ ៣០.០០០ដុល្លារ (បីម៉ឺនដុល្លារ)។ ២-លោកវេជ្ជបណ្ឌិត សាន អៀងសេង និងភរិយា ឧបត្ថម្ភថវិកា៥.០០០ដុល្លារ (ប្រាំពាន់ដុល្លារ)។ ៣-លោក អ៊ូច សៅវឿន អភិបាលស្រុកកណ្តាលស្ទឹង និងជាប្រធានគណៈកម្មាធិការអនុសាខាកាកបាទក្រហមកម្ពុជាស្រុកកណ្តាលស្ទឹង ឧបត្ថម្ភថវិកា ៧.៧៧៧ដុល្លារ (ប្រាំពីរពាន់ប្រាំពីររយចិតសិបប្រាំពីរដុល្លារ)។ ៤-លោក ជា សារិទ្ធ ប្រធានមន្ទីររ៉ែ និងថាមពល ខេត្តកណ្តាល ឧបត្ថម្ភថវិកា ៥.៥០០ដុល្លារ (ប្រាំពាន់ប្រាំរយដុល្លារ)។ ៥-លោក វ៉ន ប៊ុនស៊ីម និងភរិយា ឧបត្ថម្ភថវិកា ៥០០ដុល្លារ (ប្រាំរយដុល្លារ)។ ៦-ក្រុមហ៊ុន សមានា ភីភី ឯ.ក ឧបត្ថម្ភថវិកា៥០០ដុល្លារ (ប្រាំរយដុល្លារ)។ឯកឧត្តម គង់ សោភ័ណ្ឌ បានថ្លែងអំណរគុណយ៉ាងជ្រាលជ្រៅបំផុតចំពោះឯកឧត្តម លោកជំទាវ លោកឧកញ៉ា លោក លោកស្រីជាសប្បុរសជន ដែលបានបរិច្ចាគនូវទ្រព្យធនផ្ទាល់ខ្លួនជួយឧបត្ថម្ភជូនសាខា និងសូមសន្យាថា សាខានឹងយកចិត្តទុកដាក់ប្រើប្រាស់អំណោយដ៏សប្បុរសនេះបម្រើសកម្មភាពមនុស្សធម៌ ដើម្បីជួយដល់ប្រជាពលរដ្ឋដែលជួបការលំបាក និងគ្រោះមហន្តរាយផ្សេងៗនៅក្នុងខេត្ត ដោយគ្មានការរើសអើងពូជសាសន៍ សាសនា ឬនិន្នាការនយោបាយឡើយ គឺស្របតាមគោលការណ៍គ្រឹះទាំង៧របស់ចលនាអន្តរជាតិកាកបាទក្រហម អឌ្ឍចន្ទក្រហម៕
ព័ត៌មានគួរចាប់អារម្មណ៍
សមត្ថកិច្ចរកឃើញទីតាំងលាក់ឈើខុសច្បាប់កប់ក្នុងដីនៅខេត្តមណ្ឌលគីរី (ហង្សនាគ០១)
សមត្ថកិច្ចរកឃើញទីតាំងលាក់ឈើខុសច្បាប់កប់ក្នុងដីនៅខេត្តមណ្ឌលគីរី ()
សាលារៀនចំនួន ៧៦ ក្នុងស្រុកពញាក្រែក ខេត្តត្បូងឃ្មុំ គាំទ្រពេញបេះដូង ចំពោះសមិទ្ធផលរបស់ក្រសួងបរិស្ថានរយៈពេលជាងមួយឆ្នាំ (ហង្សនាគ០១)
សាលារៀនចំនួន ៧៦ ក្នុងស្រុកពញាក្រែក ខេត្តត្បូងឃ្មុំ គាំទ្រពេញបេះដូង ចំពោះសមិទ្ធផលរបស់ក្រសួងបរិស្ថានរយៈពេលជាងមួយឆ្នាំ ()
អ្នកមានលុយមានឥទ្ធិពលដាក់បណ្តឹងតែ ១ខែ ១ថ្ងៃតុលាការចេញសាលក្រម រីឯយាយចាស់ម្នាក់ដាក់បណ្តឹងដល់ស្លាប់ខ្លួនទៅហើយនៅតែពុំបានយុត្តិធម៌ (ហង្សនាគ០១)
វីដែអូ
ចំនួនអ្នកទស្សនា