បាត់ដំបង៖សហគមន៍កសិកម្មចំនួន៨ក្នុងខេត្តបាត់ដំបងបានចុះកិច្ចព្រមព្រៀងជាមួយគ្នាក្នុងការផលិតនិងផ្គត់ផ្គង់ស្រូវSRPឱ្យទៅក្រុមAMRURiceបម្រើការនាំចេញទៅកាន់ទីផ្សារក្រៅប្រទេស។ក្នុងពិធីចុះកិច្ចសន្យាលើផលិតកម្មកសិកម្មតាមកិច្ចសន្យាក្នុងការផលិតនិងផ្គត់ផ្គង់ស្រូវក្រអូប(SRP)ជាមួយក្រុមហ៊ុនAMRURiceនិងសហគមន៍កសិកម្មខេត្តបាត់ដំបងកាលពីថ្ងៃទី១០ខែកក្កដាឆ្នាំ២០២០។លោកឈឹមវជិរាប្រធានមន្ទីរកសិកម្មរុក្ខាប្រមាញ់និងនេសាទបាត់ដំបងបានលើកឡើងថា៖អង្ករពូជសែនក្រអូបដាំដុះនៅក្នុងទឹកដីខេត្តបាត់ដំបងមានលក្ខណៈអំណោយផលមានឱជារសឈ្ងុយឆ្ងាញ់តំណាងឱ្យស្រូវក្រអូបរបស់កម្ពុជា។មន្ត្រីដដែលបានបន្តថា៖ឆ្នាំនេះមន្ទីរជំនាញសហការជាមួយរដ្ឋបាលមូលដ្ឋានបានជម្រុញឱ្យកសិករផលិតស្រូវតម្រូវតាមទីផ្សារសម្រិតសម្រាំងប្រកបដោយគុណភាពខ្ពស់។ក្នុងនោះមានលទ្ធភាពកាន់តែច្រើនជាក់ស្តែងចំពោះមុខនេះបានចុះអនុវត្តការចុះផលិតកម្មកសិកម្មកិច្ចសន្យាមានរហូតដល់ចំនួន៦២គម្រោងដូចជាកិច្ចសន្យាទិញស្រូវSRPមាន់ស្រែនិងកិច្ចសន្យាទទួលទិញបន្លែសុវត្ថិភាពទូទៅជាដើម។លោកឈឹមវជិរាបញ្ជាក់បន្ថែមថា៖ពូជស្រូវសែនក្រអូបអំណោយផលដាំដុះនៅក្នុងទឹកដីខេត្តបាត់ដំបង ពិសេសចាប់ពីចំណុចស្រុកមង្គលបូរីខេត្តបន្ទាយមានជ័យប៉ែកខាងលើផ្លូវជាតិលេខ៥រហូតដល់ព្រំប្រទល់ស្រុកម៉ោងឬស្សីខេត្តបាត់ដំបងគឺជាដីមាសសម្រាប់ផលិតអង្ករក្រអូបមានសារធាតុចិញ្ចឹមយ៉ាងសំបូរបែប។លោក គង់ ភាជ ប្រធាននាយកដ្ឋានកសិឧស្សាហកម្មនៃក្រសួងកសិកម្មរុក្ខាប្រមាញ់ និងនេសាទ បានលើកឡើងដែរថា៖តាមរយ:កិច្ចសន្យាផលិតកម្មកសិកម្មនេះគឺជាស្ពានសម្រាប់ចាប់ផ្តើមការកសាងទំនុកចិត្តរវាងសហគមន៍កសិកម្មនិងរោងម៉ាស៊ីនកិនស្រូវដើម្បីបង្កើនទីផ្សារមួយមាននិរន្តភាពពិតប្រាកដរបស់កសិកររួមទាំងម្ចាស់រោងម៉ាស៊ីនទទួលបាននូវប្រភេទស្រូវមានគុណភាពខ្ពស់ជម្រុញដល់ការនាំចេញទៅទីផ្សារក្រៅប្រទេស។បច្ចុប្បន្នខេត្តបាត់ដំបងមានសហគមន៍ចំនួន៦២បានបំពេញលក្ខន្តិកជាមួយវិស័យឯកជនដែលវាពិតជាមានសក្តានុពលខ្ពស់សម្រាប់រោងម៉ាស៊ីនកិនស្រូវផ្សេងៗទៀតចាប់ដៃគូផលិតកម្មផ្គត់ផ្គង់និងការទិញស្រូវពីសហគមន៍កសិកម្មទាំងអស់។ប្រធាននាយកដ្ឋានកសិឧស្សាហកម្មនៃក្រសួងកសិកម្មរុក្ខាប្រមាញ់និងនេសាទចុងក្រោយបានសំណូមពរដល់អង្គការCIRDនិងអង្គការFAECបន្តសហការជាមួយសហព័ន្ធស្រូវអង្ករកម្ពុជាដើម្បីជ្រើសរើសរោងម៉ាស៊ីនកិនស្រូវ.សហគមន៍កសិកម្មបង្កើនឱ្យមានកិច្ចសន្យាកសិកម្មកាន់តែច្រើនហើយសហព័ន្ធស្រូវអង្ករកម្ពុជាប្រចាំតំបន់រងចាំសហការសម្របសម្រួលជួយ៕
ព័ត៌មានគួរចាប់អារម្មណ៍
ឯកឧត្តមបណ្ឌិត អ៊ាង សុផល្លែត ចេញញតិ្តប្រកាសគាំទ្រយ៉ាងពេញទំហឹង ការអនុវត្តគម្រោងជីកព្រែកហ្វូណន-តេជោ (ហង្សនាគ០១)
ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ចុះពិនិត្យការសាងសង់ កន្លែងវិបស្សនាថ្មីនៅក្នុងបរិវេណមជ្ឈមមណ្ឌលវប្បធម៌ព្រះពុទ្ធសាសនាកម្ពុជា លើឧទ្យានជាតិព្រះសុរាម្រឹតកុសុមៈ«គីរីរម្យ» (ហង្សនាគ០១)
កិច្ចការអន្តរាគមន៍សង្គ្រោះស្រូវរបស់ប្រជាកសិករ ត្រូវបានយកចិត្តទុកដាក់ និងចាត់ជាអាទិភាព ដេីម្បីធ្វេីសកម្មភាព និងមានចំណាត់ការប្រកបដោយប្រសិទ្ធភាព.. Posted on April 20, 2024 Authoradm Comment(0) (ហង្សនាគ០១)
កិច្ចការអន្តរាគមន៍សង្គ្រោះស្រូវរបស់ប្រជាកសិករ ត្រូវបានយកចិត្តទុកដាក់ និងចាត់ជាអាទិភាព ដេីម្បីធ្វេីសកម្មភាព និងមានចំណាត់ការប្រកបដោយប្រសិទ្ធភាព.. Posted on April 20, 2024 Authoradm Comment(0) ()
បទយកការណ៍ ជុំវិញពិធីសង្ក្រាន្តអូររាំងឪ ក្រោមគំនិតផ្ដួចផ្ដើមរបស់រដ្ឋមន្ត្រីក្រសួងបរិស្ថាន... (ហង្សនាគ០១)
វីដែអូ
ចំនួនអ្នកទស្សនា