Hang Neak

ថ្ងៃពុធ ទី០១ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

រដ្ឋមន្ត្រីក្រសួងព័ត៌មានលើកទឹកចិត្តស្ត្រីឱ្យចេះច្នៃប្រឌិតរកចំណូលបន្ថែមក្រៅម៉ោងការងាររដ្ឋ **|**

រដ្ឋមន្ត្រីក្រសួងព័ត៌មានលើកទឹកចិត្តស្ត្រីឱ្យចេះច្នៃប្រឌិតរកចំណូលបន្ថែមក្រៅម៉ោងការងាររដ្ឋ

ភ្នំពេញ ៖ ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មានបានថ្លែងនូវការលើកទឹកចិត្តស្ត្រីឱ្យចេះច្នៃប្រឌិតរកចំណូលបន្ថែមក្រៅម៉ោងការងាររដ្ឋ ដោយប្រើទេពកោសល្យដែលមានរៀងៗខ្លួននិងពិភាក្សាជាមួយក្រុមស្ត្រីក្នុងសមាគមនារីកម្ពុជាដើម្បីសន្តិភាពនិងអភិវឌ្ឍន៍សាខាក្រសួងព័ត៌មានប្រយោជន៍បង្កើនចំណេះដឹងដល់ការងារសម្រាប់ចិញ្ចឹមជីវិតប្រចាំថ្ងៃ។

ការលើកទឹកចិត្តនេះធ្វើឡើងក្នុងឱកាសដែលឯកឧត្តមរដ្ឋមន្ត្រីអញ្ជើញចូលរួមជាអធិបតីបិទសិក្ខាសាលាស្តីពី«ការប្រើប្រាស់ទេពកោសល្យដើម្បីពង្រឹងប្រសិទ្ធភាពការងារ និងជីវភាពគ្រួសារ»រៀបចំដោយសមាគមនារីកម្ពុជាដើម្បីសន្តិភាព និងអភិវឌ្ឍន៍សាខាក្រសួងព័ត៌មាន រយៈពេលពីរថ្ងៃចាប់ពីថ្ងៃទី២១ និង២២ ខែកក្កដា ឆ្នាំ២០២០ នៅស្ទូឌីយោទូរទស្សន៍ជាតិកម្ពុជា។

ឯកឧត្តមមានប្រសាសន៍ថា ស្ត្រីអាចប្រើភាពឈ្លាសវៃច្នៃចេញជាលុយបានតាមមធ្យោបាយជាច្រើនដូចជា ផ្សព្វផ្សាយលក់ទំនិញតាមប្រព័ន្ធ Online ឬធ្វើអាជីវកម្មណាមួយដែលជាចំណេះជំនាញផ្ទាល់ខ្លួនដែលមានស្រាប់។

ឯកឧត្តមរដ្ឋមន្ត្រីក្រសួងព័ត៌មានថែមទាំងបានគូសបញ្ជាក់ថា«ក្រៅពីធ្វើការងារក្រុមយើងមិនមែនធ្វើការ២៤ម៉ោងសម្រាប់តែរដ្ឋទេ សំខាន់ការចិញ្ចឹមក្រពះ ការបង្កើនជីវភាពរស់នៅរបស់យើង យើងត្រូវប្រឹងរកអីថែមដោយប្រើជំនាញរបស់យើងដែលមានស្រាប់ដោយបង្កើនថែមទៀតនូវអ្វីដែលយើងមានឱ្យល្អឡើង បានន័យថា យកចំណេះរបស់យើងនេះអាចរកអីក្រៅបានមិនមែនផ្លូវអាក្រក់ទេ គឺយើងរកបាន»

ឯកឧត្តមរដ្ឋមន្ត្រីបានផ្តល់ជាយោបល់បន្ថែមថា«យើងប្រើកម្លាំងគ្នាយើង ប្រជុំគ្នា ជជែកផ្លាស់ប្តូរយោបល់គ្នាមានគំនិតថ្មី មានគំនិតពីរទី១ជាក្រុមធ្វើការរួម ទី២គំនិតស្មារតីច្នៃប្រឌិតដើម្បីរកចំណូលខ្លួនឯង នេះសុទ្ធតែចំណុចធំៗឱ្យនារីរបស់យើងក្រៅពីបំពេញការងាររដ្ឋយើងអាចរកចំណូលបន្ថែមបំពេញគ្រួសារអាស្រ័យលើការច្នៃប្រឌិតនិងការឈ្លាសវៃរបស់យើង ហើយអាស្រ័យការរួមសហការគ្នា ផ្លាស់ប្តូរយោបល់គ្នាជាមិត្តភក្តិក្នុងក្រុមការងារ ជាមិត្តភក្តិជិតផ្ទះជុំវិញយើង ជាការងារមួយដែលសំខាន់៕