ភ្នំពេញ ៖ យោងតាមសេចក្តីប្រកាសព័ត៌មានអំពីលទ្ធផលនៃសន្និសីទសារព័ត៌មានស្តីពី «លទ្ធផលបញ្ចប់នៃកិច្ចចរចាបង្កើតកិច្ចព្រមព្រៀងពាណិជ្ជកម្មសេរីកម្ពុជា-ចិន» ចេញផ្សាយដោយអង្គភាពអ្នកនាំពាក្យរាជរដ្ឋាភិបាល កាលពីថ្ងៃទី២៨ ខែកក្កដា ឆ្នាំ២០២០ ឱ្យដឹងថា កិច្ចព្រមព្រៀងនេះបានផ្តល់ផលប្រយោជន៍ដល់កម្ពុជាជាច្រើនដូចជា៖-ការបើកច្រកទីផ្សារបានធំជាងសម្រាប់មុខទំនិញកសិផល បន្លែផ្លែឈើ ផលិតផលកែច្នៃ និងសិប្បកម្ម និងផលិតផលជាច្រើនទៀត ក្នុងករណីដែលកម្ពុជាផលិតបាន និងមានអនាម័យ ព្រមទាំងស្តង់ដារត្រឹមត្រូវ។-មានលំហទីផ្សារផ្នែកសេវាកម្ម ដែលអាចនាំចេញក្នុងករណីមានការបណ្តុះបណ្តាលជំនាញត្រឹមត្រូវ។-រាល់នីតិវិធីទាក់ទងនឹងវិធានដើមកំណើតទំនិញ គយ និងសម្រួលពាណិជ្ជកម្មអនាម័យ និងភូតគាមអនាម័យ និងរបាំងបច្ចេកទេសលើការធ្វើពាណិជ្ជកម្ម ត្រូវបានកំណត់ច្បាស់លាស់ និងធ្វើសាមញ្ញនីយកម្ម ដើម្បីងាយស្រួលអនុវត្ត និងសម្រួលដល់ការធ្វើពាណិជ្ជកម្ម។-បរិយាកាសវិនិយោគ និងនយោបាយទាក់ទាញវិនិយោគទុនពីបរទេស ត្រូវបានរៀបចំ និងបង្កើតឡើង។-កិច្ចសហប្រតិបត្តិការផ្នែកសេដ្ឋកិច្ច និងបច្ចេកទេស តាមវិស័យនានាត្រូវបានកំណត់ដើម្បីជួយដល់កម្ពុជា ក្នុងការកសាងធនធានមនុស្ស ពង្រឹងសមត្ថភាពស្ថាប័ន កសាងសមត្ថភាពផលិត និងផ្គត់ផ្គង់របស់វិស័យឯកជន។-ហេដ្ឋារចនាសម្ព័ន្ធផ្នែកទន់ និងរឹងសម្រាប់ជួយដល់វិស័យពាណិជ្ជកម្ម នឹងត្រូវបានកសាង និងរៀបចំជាបណ្តើរៗ។-បានរៀបចំរចនាសម្ព័ន្ធ យន្តការ និងវិធាននានាសម្រាប់គូភាគីពិភាក្សាលើការអនុវត្តកិច្ចព្រមព្រៀង។-រាល់វិវាទ និងការបកស្រាយដែលមិនចុះសម្រុងគ្នា អាចលើកយកទៅពិភាក្សា និងដោះស្រាយនូវយន្តការ និងតាមនីតិវិធីអន្តរជាតិ ដែលភាគីទាំងពីរឯកភាព ដោយឈរលើផលប្រយោជន៍ជាតិ។ប្រភពដដែលបន្តថា តាមការសិក្សា និងវិភាគលើទំហំទីផ្សារផ្នែកទំនិញដែលបានបើកឃើញថា កម្ពុជានឹងមានកំណើននាំចេញទំនិញទៅប្រទេសចិន ប្រមាណជា ២៥% ក្នុងមួយឆ្នាំៗ ឬមានកំណើនធំជាងនេះ ក្នុងករណីមានការរៀបចំគោលនយោបាយផលិតកម្ម វិនិយោគ ដឹកជញ្ជូន សារពើពន្ធ និងកិច្ចសម្រួលពាណិជ្ជកម្ម ឱ្យបានកាន់តែប្រសើរជាងមុន៕
ព័ត៌មានគួរចាប់អារម្មណ៍
សហគ្រាសផលិតទឹកក្រូច និងទឹកផ្លែឈើយីហោ(ប៊ី ស្មាត) គឃ្លើនមិនស្តាប់ការណែនាំរបស់មន្ទីរបរិស្ថាន (ហង្សនាគ០១)
(ហង្សនាគ០១)
អភិបាលខេត្តព្រៃវែង អញ្ជើញជាអធិបតីក្នុងពិធីប្រារព្ធខួបលើកទី១៣៨ ទិវាពលកម្មអន្តរជាតិ ១ ឧសភា ឆ្នាំ២០២៤ ក្រោមប្រធានបទ “ (ហង្សនាគ០១)
សមត្ថកិច្ចចាប់ខ្លួនបានមេខ្លោងចំនួន ១០នាក់ ជុំវិញករណីកាប់ទន្ទ្រានដីរដ្ឋ និងដកហូតដីជាង ៧ ពាន់ហិកតា នៅខេត្តស្ទឹងត្រែង (ហង្សនាគ០១)
ឯកឧត្តមបណ្ឌិត អ៊ាង សុផល្លែត ចេញញតិ្តប្រកាសគាំទ្រយ៉ាងពេញទំហឹង ការអនុវត្តគម្រោងជីកព្រែកហ្វូណន-តេជោ (ហង្សនាគ០១)
វីដែអូ
ចំនួនអ្នកទស្សនា