Hang Neak

ថ្ងៃអាទិត្យ ទី២២ ខែធ្នូ ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

ពេទ្យខេត្តព្រះសីហនុបដិសេធនៃការផ្ទុះជំងឺកញ្ជ្រឹលឬស្អូច **|**

ពេទ្យខេត្តព្រះសីហនុបដិសេធនៃការផ្ទុះជំងឺកញ្ជ្រឹលឬស្អូច

ខេត្តព្រះសីហនុ៖មានសេចក្តីរាយការណ៍ពីមូលដ្ឋានថាមានកុមារនិងមនុស្សចាស់មួយចំនួនកើតជំងឺកញ្ជ្រឹលឬស្អូចនៅក្នុងស្រុកព្រៃនប់ខេត្តព្រះសីហនុ។

លោកស្រីលឹមសាមានប្រធានមន្ទីរសុខាភិបាលខេត្តព្រះសីហនុមានប្រសាសន៍នៅថ្ងៃទី៩ខែកក្កដាឆ្នាំ២០២០នេះថាករណីនេះមានមែន។ប៉ុន្តែមិនមែនជាករណីផ្ទុះជំងឺកញ្ជ្រឹលឬស្អូចក្នុងសហគមន៍ទេហើយរាល់សេចក្តីរាយការណ៍ថាជាការផ្ទុះជំងឺកញ្ជ្រឹលឬស្អូចក្នុងសហគមន៍ក្នុងនាមមន្ទីរសុខាភិបាលខេត្តលោកស្រីសូមបដិសេធ។

បើតាមលោកស្រីប្រធានមន្ទីរបញ្ជាក់ថាបច្ចុប្បន្ននៅខេត្តព្រះសីហនុគិតត្រឹមថ្ងៃទី៩ខែកក្កដានេះមានអ្នកកំពុងកើតជំងឺកញ្ជ្រឹលឬស្អូចទាំងមនុស្សចាស់និងកូនក្មេងប្រមាណជិត២០នាក់។ចំណែកអ្នកកើតជំងឺនេះមួយចំនួនបានជាសះស្បើយវិញហើយ។

សេចក្តីរាយការណ៍ពីមន្ត្រីមូលដ្ឋានថ្លែងថាករណីក្មេងៗឬមនុស្សចាស់កើតជំងឺកញ្ជ្រឹលនិងជំងឺស្អូចនេះពលរដ្ឋភាគច្រើនមិនបានទៅមន្ទីរពេទ្យដើម្បីឱ្យគ្រូពេទ្យព្យាបាលទេ។គឺរក្សាទុកអ្នកជំងឺនៅក្នុងផ្ទះ ប្រើការព្យាបាលតាមបែបបូរាណ ។

ករណីព្យាបាលបែបបុរាណនេះលោកស្រីលឹមសាមានពន្យល់ថាជាប្រការមិនល្អមួយរយភាគរយនោះទេ។ក្នុងនោះលោកស្រីប្រធានមន្ទីរសុខាភិបាលបញ្ជាក់ថាពលរដ្ឋគប្បីនាំអ្នកជំងឺទៅមណ្ឌលសុខភាពឬមន្ទីរពេទ្យបង្អែកខេត្ត ដើម្បីទទួលបានការព្យាបាលពីគ្រូពេទ្យជំនាញ។

សូមបញ្ជាក់ថានៅរដូវភ្លៀងធ្លាក់នេះក្រោយទទួលបានរបាយការណ៍ពីបញ្ហាជំងឺកញ្ជ្រឹលឬស្អូចនៅតាមមូលដ្ឋានមួយចំនួនក្នុងខេត្តមន្ត្រីជំនាញផ្នែកជំងឺឆ្លងក្រសួងសុខាភិបាលសហការជាមួយមន្ទីរសុខាភិបាលខេត្តព្រះសីហនុបានចុះពិនិត្យដោយផ្ទាល់នៅតាមភូមិឃុំនិងមណ្ឌលសុខភាព។ជាមួយនិងការវាយតម្លៃថានេះមិនមែនជាករណីផ្ទុះជំងឺក្នុងសហគមន៍ឡើយ។

បញ្ហានៅត្រង់ថាពលរដ្ឋភាគច្រើនមិនបាននាំអ្នកជំងឺទៅមន្ទីរពេទ្យឬមណ្ឌលសុខភាពដោយរក្សាទុកអ្នកជំងឺនៅក្នុងផ្ទះទើបមិនមានតួលេខអ្នកជំងឺច្បាស់លាស់កើតទៅជាពាក្យថាជាករណីផ្ទុះជំងឺកញ្ជ្រឹលឬស្អូចក្នុងមូលដ្ឋាន៕