អាជ្ញាធរខេត្តកណ្ដាលលើកទឹកចិត្តដល់ បងប្អូនប្រជាកសិករទាំងអស់ សូមបញ្ឈប់ការប្រើប្រាស់ថ្នាំគីមី ដោយងាកមកប្រើប្រាស់ជីលាមកសត្វ និងជីធម្មជាតិផ្សេងៗ ទៅលើដំណាំផលិតផលនានា។ នេះជាការលើកឡើងរបស់ឯកឧត្ដម នុត ពុធដារ៉ា អភិបាលរងខេត្តកណ្ដាល ក្នុងឱកាសឯកឧត្ដម ចុះជំរុញទីផ្សារកសិកម្មជូនកសិករ នៅស្រុកល្វាឯមកាលពីព្រឹកថ្ងៃទី៣១ ខែកក្កដា ឆ្នាំ២០២០ ដោយមានការចូលរួមពីអាជ្ញាធរស្រុក និងមន្ត្រីជំនាញពាក់ព័ន្ធ។ ឯកឧត្ដមបន្តថា ការប្រើប្រាស់ថ្នាំគីមី គឺវាមិនត្រឹមតែបណ្ដាលអោយប៉ះពាល់សុខភាពដល់អ្នកដែលបានទិញយកទៅបរិភោគនោះទេ អ្នកដែលដាំបន្លែ អ្នកបាញ់ថ្នាំផ្ទាល់ និងក្រុមគ្រួសារ ក៏បណ្ដាលអោយប៉ះពាល់សុខភាព ហើយវាបានធ្វើអោយដីខ្សោះជីជាតិផងដែរ ដូចនេះសូមបងប្អូនប្រជាកសិករទាំងអស់បញ្ឈប់ការប្រើប្រាស់ថ្នាំគីមីគ្រប់ប្រភេទ ដោយងាកមកប្រើប្រាស់ជីលាមកសត្វ និងជីធម្មជាតិនានា។ ឯកឧត្ដមបន្ថែមថា បច្ចុប្បន្ននេះប្រជាពលរដ្ឋនិយមចូលចិត្តបន្លែដែលគ្មានជាតិគីមីនៅលើទីផ្សារ ព្រោះថាបន្លែដែលគ្មានជាតិគីមី វាមិនបណ្ដាលឱ្យប៉ះពាល់ដល់សុខភាពអ្នកបរិភោគនោះទេ។ ដូច្នេះប្រសិនបើប្រជាកសិករទាំងអស់ ងាកមកដាំបន្លែដែលគ្មានសារជាតិគីមី នោះយើងនឹងមិនភ័យព្រួយក្នុងការខ្វះនូវទីផ្សារ ហើយបន្លែរបស់យើងដែលគ្មានជាតិគីមី និងមានតម្លៃថ្លៃផងដែរ។ ឯកឧត្តមអភិបាលរងខេត្ត បានលើកឡើងទៀតថា អាជ្ញាធរខេត្តបានសហការជាមួយមន្ទីរជំនាញពាក់ព័ន្ធ ពិសេសមន្ទីរពាណិជ្ជកម្មខេត្ត បានធ្វើការបង្កើតផ្សារចុងសប្តាហ៍ សម្រាប់លក់នូវផលិតផលក្នុងស្រុករបស់បងប្អូនប្រជាកសិករ ដែលផលិតបាននៅក្នុងសហគមន៍រាងៗខ្លួន ហើយបន្លែដែលយកមកលក់នៅផ្សារចុងសប្តាហ៍នេះ ជាប្រភេទបន្លែដែលគ្មានសារធាតុគីមី និងបន្លែមានសុវត្ថិភាព។លោក កន សុកាយ អភិបាលស្រុកល្វាឯម បានឱ្យដឹងថា រដ្ឋបាលស្រុកបានសហការជាមួយមន្ទីរកសិកម្មខេត្ត បានធ្វើការចងក្រងជាបណ្ដុំ នៃអ្នកដាំបន្លែដែលមាន 60 គ្រួសារ និងដោយមានការគាំទ្រពីគម្រោងអាស្ប៉ាយ(Aspire) ហើយមកដល់ពេលនេះប្រជាពលរដ្ឋបានធ្វើការប្រមូលផលស្ទឺតែរួចរាល់ហើយ។ ហើយការដាំម្រះនេះ គឺជាការដាំដែលមិនបានប្រើប្រាស់ជី ឬថ្នាំគីមីនោះទេ ការដាំនេះគឺជាប្រភេទបន្លែសុវត្ថិភាព។ លោកអភិបាលស្រុក បន្ថែមថា រដ្ឋបាលស្រុក បានធ្វើការសហការជាមួយមន្ទីរកសិកម្មខេត្ត ក្នុងការចុះបង្រៀនបច្ចេកទេសដាំ និងការថែទាំបន្លែ ជូនដល់ប្រជាកសិករ ដើម្បីឲ្យពួកគាត់មានចំណេះ និងជំនាញពិតប្រាកដ ដើម្បីឲ្យទិន្នផលរបស់ប្រជាកសិករមានការកើនឡើងខ្ពស់ផងដែរ។
ព័ត៌មានគួរចាប់អារម្មណ៍
សហគ្រាសផលិតទឹកក្រូច និងទឹកផ្លែឈើយីហោ(ប៊ី ស្មាត) គឃ្លើនមិនស្តាប់ការណែនាំរបស់មន្ទីរបរិស្ថាន (ហង្សនាគ០១)
(ហង្សនាគ០១)
អភិបាលខេត្តព្រៃវែង អញ្ជើញជាអធិបតីក្នុងពិធីប្រារព្ធខួបលើកទី១៣៨ ទិវាពលកម្មអន្តរជាតិ ១ ឧសភា ឆ្នាំ២០២៤ ក្រោមប្រធានបទ “ (ហង្សនាគ០១)
សមត្ថកិច្ចចាប់ខ្លួនបានមេខ្លោងចំនួន ១០នាក់ ជុំវិញករណីកាប់ទន្ទ្រានដីរដ្ឋ និងដកហូតដីជាង ៧ ពាន់ហិកតា នៅខេត្តស្ទឹងត្រែង (ហង្សនាគ០១)
ឯកឧត្តមបណ្ឌិត អ៊ាង សុផល្លែត ចេញញតិ្តប្រកាសគាំទ្រយ៉ាងពេញទំហឹង ការអនុវត្តគម្រោងជីកព្រែកហ្វូណន-តេជោ (ហង្សនាគ០១)
វីដែអូ
ចំនួនអ្នកទស្សនា