បេរូត ៖ សារព័ត៌មាន Sputnik ចេញផ្សាយនាព្រឹកថ្ងៃអង្គារ ទី២៥ ខែសីហា ឆ្នាំ២០២០នេះថា ក្រុមជំនាញនៃយោធាលីបង់ និងអ្នកជំនាញមកពីប្រទេសបារាំងបានរកឃើញកុងតឺន័រចំនួន៧៩ទូ មានផ្ទុកទៅដោយសារធាតុគីមីគ្រោះថ្នាក់ តម្កល់ទុកនៅកំពង់ផែទីក្រុងបេរូត ដែលទើបទទួលរងករណីផ្ទុះដ៏កក្រើកកាលពីថ្ងៃទី០៤ ខែសីហា ឆ្នាំ២០២០។នៅក្នុងសេចក្តីថ្លែងការណ៍មួយ ចេញដោយយោធាលីបង់នៅដើមសប្តាហ៍នេះ បានបញ្ជាក់យ៉ាងដូច្នេះថា «អំឡុងថ្ងៃទី១៤ ដល់ថ្ងៃ២២ ខែសីហា ទូកុងតឺន័រសរុបចំនួន ២៥ ផ្ទុកទៅដោយសារធាតុគីមី អាស៊ីត-អ៊ីដ្រូក្លរិច (hydrochloric acid) ត្រូវបានរកឃើញ ជាមួយនិងកុងតឺន័រ ៥៤ទូទៀតដែលផ្ទុកទៅដោយសារធាតុគីមីគ្រោះថ្នាក់ប្រភេទផ្សេងៗគ្នា»។ទោះជាយ៉ាងណា អាជ្ញាធរលីបង់មិនបានបញ្ជាក់ព័ត៌មានលម្អិតបន្ថែម ជុំវិញការរកឃើញខាងលើនេះនៅឡើយទេ ខណៈសារធាតុគីមីរាប់សិបកុងតឺន័រ ដែលទើបត្រូវបានរកឃើញថ្មីៗនេះ ត្រូវបានក្រុមជំនាញអះអាងថា សុទ្ធតែអាចបង្កគ្រោះថ្នាក់ធ្ងន់ធ្ងរនៅពេលវាឆាបឆេះ និងផ្ទុះ។សូមរម្លឹកថា ការផ្ទុះសារធាតុគីមីអាម៉ូញ៉ូមនីត្រាតទម្ងន់ ២,៧៥០តោន កាលពីថ្ងៃទី០៤ ខែសីហា នៅតំបន់កំពង់ផែទីក្រុងបេរូត បានបណ្តាលឲ្យមនុស្សសរុបជាង១៧០នាក់ស្លាប់ និងជាង៤០,០០០នាក់រងរបួស ខណៈមនុស្សជាង១០០នាក់ទៀតនៅតែបន្តបាត់ខ្លួន មកទល់នឹងពេលនេះ៕
ព័ត៌មានគួរចាប់អារម្មណ៍
សហគ្រាសផលិតទឹកក្រូច និងទឹកផ្លែឈើយីហោ(ប៊ី ស្មាត) គឃ្លើនមិនស្តាប់ការណែនាំរបស់មន្ទីរបរិស្ថាន (ហង្សនាគ០១)
(ហង្សនាគ០១)
អភិបាលខេត្តព្រៃវែង អញ្ជើញជាអធិបតីក្នុងពិធីប្រារព្ធខួបលើកទី១៣៨ ទិវាពលកម្មអន្តរជាតិ ១ ឧសភា ឆ្នាំ២០២៤ ក្រោមប្រធានបទ “ (ហង្សនាគ០១)
សមត្ថកិច្ចចាប់ខ្លួនបានមេខ្លោងចំនួន ១០នាក់ ជុំវិញករណីកាប់ទន្ទ្រានដីរដ្ឋ និងដកហូតដីជាង ៧ ពាន់ហិកតា នៅខេត្តស្ទឹងត្រែង (ហង្សនាគ០១)
ឯកឧត្តមបណ្ឌិត អ៊ាង សុផល្លែត ចេញញតិ្តប្រកាសគាំទ្រយ៉ាងពេញទំហឹង ការអនុវត្តគម្រោងជីកព្រែកហ្វូណន-តេជោ (ហង្សនាគ០១)
វីដែអូ
ចំនួនអ្នកទស្សនា