សេអ៊ូល ៖ អាជ្ញាធរកូរ៉េខាងត្បូងបានឱ្យដឹងថា ភ្លៀងធ្លាក់ជោកជាំអស់រយៈពេលជាច្រើនថ្ងៃមកនេះ បានបង្កជាគ្រោះទឹកជំនន់ដ៏ធំសម្បើម ដោយបានសម្លាប់មនុស្ស១៣នាក់ និង១៣នាក់ផ្សេងទៀតបាត់ខ្លួន ខណៈដែលមនុស្ស១,០០០នាក់ ត្រូវជម្លៀសខ្លួនចេញពីផ្ទះសម្បែង។ នេះបើតាមសារព័ត៌មាន CNA ចេញផ្សាយនៅរសៀលថ្ងៃអង្គារ ទី០៤ ខែសីហា ឆ្នាំ២០២០។បើតាមអាជ្ញាធរកូរ៉េខាងត្បូងបានឲ្យដឹងថា មនុស្ស១៣នាក់ដែលបានបាត់បង់ជីវិត ត្រូវបានគេរាយការណ៍ថា ពួកគេស្លាប់នៅក្នុងគ្រោះរអិលបាក់ដី និងត្រូវទឹកគួចយកទៅឆ្ងាយអំឡុងពេលជិះនៅក្នុងរថយន្ដ។ អាជ្ញាធរបន្ថែមថា ទឹកជំនន់បានជន់លិចផ្ទៃដីស្រែចំការច្រើនជាង ៥,៧៥១ហិកតា រួមទាំងផ្លូវហាយវ៉េយ៍ និងស្ពានសំខាន់ៗ មួយចំនួយក្នុងរដ្ឋធានីសេអ៊ូលផងដែរ។ជុំវិញគ្រោះធម្មជាតិខាងលើនេះដែរ ប្រធានាធិបតីកូរ៉េខាងត្បូង លោក មូន ចែអ៊ីន គ្រោងនឹងបើកកិច្ចប្រជុំបន្ទាន់មួយនៅថ្ងៃអង្គារនេះ បន្ទាប់ពីលោកបានជំរុញឱ្យអាជ្ញាធរថ្នាក់ជាតិ និងតំបន់បង្កើនកិច្ចខិតខំប្រឹងប្រែងការពារ និងទប់ស្កាត់ធ្វើយ៉ាងឱ្យកុំឱ្យមានមនុស្សស្លាប់ ដោយសារគ្រោះទឹកជំនន់បន្តទៀត។បន្ថែមពីលើនេះ ដោយផ្អែកលើប្រភពមិនបញ្ជាក់អត្តសញ្ញាណ ទីភ្នាក់ងារព័ត៌មានយ៉ុនហាប់ បានរាយការណ៍ថា កូរ៉េខាងជើងបានបើកទំនប់ទឹកមួយនៅជាប់តំបន់ព្រំដែនកាលពីថ្ងៃចន្ទ ដោយមិនបានជូនដំណឹងជាមុន ដល់អាជ្ញាធរកូរ៉េខាងត្បូងឡើយ ស្របពេលកូរ៉េខាងជើងក៏បានព្រមាន អំពីគ្រោះទឹកជំនន់ផងដែរ៕
ព័ត៌មានគួរចាប់អារម្មណ៍
លោក សាម៉េត សុផាត បានធ្វើសេចក្តីជូនដំណឹងមួយច្បាប់ ផ្ញើទៅដល់លោក ទេពសុធារិទ្ធិ រស់នៅសង្កាត់វាលស្បូវ ខណ្ឌច្បារអំពៅ រាជធានីភ្នំពេញ ឲ្យចូលមកទូទាត់បំណុលដែលបានខ្ចីគាត់ផង.. (ហង្សនាគ០១)
ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានត្រៀមយុទ្ធសាស្រ្តដាំស្តារដើមឈើឡើងវីញនៅតំបន់ព្រៃរិចរិល របស់ក្រសួងបរិស្ថានដើម្បី ភាពបៃតង ចីរភាព និង ទប់ស្កាត់ភាពងាយរងនូវការច្រោះដោយទឹកភ្លៀង ដែលនឹងនាំទៅដល់ការបាត់បង់ទីទួល និងភ្នំ ... (ហង្សនាគ០១)
អាងខ្នងប៉ុណ្ណា បានជាអ្នកគ្រប់គ្រងរោងចក្រកែច្នៃស្បែកសត្វបំពុលទឹកព្រែកសង្កែ នៅសោយសុខក្នុងទង្វើអាក្រក់បំពុលបរិស្ថានបាន ៦ឆ្នាំ?និងមិនចុះហត្ថលេខាលើកំណត់ហេតុ??? (ហង្សនាគ០១)
ឯកឧត្តមបណ្ឌិត អ៊ាង សុផល្លែត ដឹកនាំប្រតិភូក្រសួងបរិស្ថានចុះត្រួតពិនិត្យទីតាំងភូមិសាស្ត្រដើម្បីត្រៀមរៀបចំដាំដុះ ស្តារព្រៃឈើឡើងវិញនៅរដូវវស្សា (ហង្សនាគ០១)
ប្រជាពលរដ្ឋ ខេត្តពោធិ៍សាត់ សាទរយ៉ាងក្រៃលែង ចំពោះចំណាត់ការក្ដៅរបស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និង ឯកឧត្តមនាយឧត្ដមសេនីយ៍ សៅ សុខា មេបញ្ជាការកងរាជអាវុធហត្ថលេីផ្ទៃប្រទេស រួមបញ្ជាការឯកភាព ដែលបង្ក្រាបបទល្មើសធនធានធម្មជាតិនៅមូលដ្ឋានខេត្តពោធិ៍សាត់។ (ហង្សនាគ០១)
វីដែអូ
ចំនួនអ្នកទស្សនា