ភ្នំពេញ ៖ ​ក្រសួង​សេដ្ឋកិច្ច និង​ហិរញ្ញវត្ថុ​បានឲ្យដឹងតាមរយៈសេចក្តីជូនដំណឹងមួយថា​ នៅ​ថ្ងៃ​នេះ ​ក្រសួង​បានរៀបចំ​កិច្ចប្រជុំ​លើកទីមួយ នៃ​ក្រុមការងារ​អន្តរក្រសួង​ទទួលបន្ទុក​ការចរចា និង​ពិគ្រោះ​យោបល់​ក្នុង​ការទិញ​វ៉ាក់សាំងកូវីដ-១៩ ខណៈដែលកិច្ចប្រជុំនេះស្ថិតក្រោមវត្តមាន​​ឯកឧត្តម ​វ​ង្សី វិស្សុត រដ្ឋមន្ត្រី​ប្រតិភូ​នាយករដ្ឋមន្ត្រី រដ្ឋលេខាធិការ​ប្រចាំការ​ក្រសួង​សេដ្ឋកិច្ច ​និង​ហិរញ្ញវត្ថុ ​និង​ជា​ប្រធាន​ក្រុមការងារ​អន្តរក្រសួង​ខាងលើ ដឹកនាំ​កិច្ចប្រជុំ​នេះ​។​

​សូមជម្រាបថា គិតមកដល់ថ្ងៃនេះកម្ពុជារកឃើញករណីវិជ្ជមានកូវីដ-១៩ សរុបចំនួន៣៨៦ ក្នុងនោះបានព្យាបាលឲ្យជាសះស្បើយចំនួន៣៦២នាក់ និងកំពុងសម្រាកព្យាបាលនៅមន្ទីរពេទ្យចំនួន២៤នាក់ ៕