លោកស្រីឱន វណ្ណឌីនប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ នៅព្រឹកថ្ងៃទី១៧ ខែមេសា ឆ្នាំ២០២១បានឲ្យដឹងថាគណៈកម្មការចាក់វ៉ាក់សាំងប្រកាសផ្អាកចាក់វ៉ាក់សាំងរយៈពេល៣ថ្ងៃនៅរាជធានីភ្នំពេញចាប់ពីថ្ងៃទី១៧ ដល់ថ្ងៃទី១៩ហើយសូមឲ្យបងប្អូនត្រឡប់ទៅកាន់ផ្ទះវិញរៀងៗខ្លួន។ បើតាមលោកស្រីឱន វណ្ណឌីនសូមប្រកាសតាមបណ្តាញសារព័ត៌មានផ្លូវការជូនសាធារណជនជ្រាបថា គណៈកម្មការចំពោះកិច្ចចាក់វ៉ាក់សាំងកូវីដ-១៩ សូមផ្អាកការចាក់វ៉ាក់សាំងកូវីដ-១៩ ទាំងលើកទី១ និងលើកទី២ជូនបងប្អូនប្រជាពលរដ្ឋនៅរាជធានីភ្នំពេញ រយៈពេល៣ថ្ងៃ ចាប់ពីថ្ងៃទី១៧ ដល់ថ្ងៃទី១៩ ខែមេសា២០២១នេះហើយសូមឲ្យបងប្អូនប្រជាពលរដ្ឋអញ្ជើញត្រឡប់ទៅកាន់ផ្ទះរៀងៗខ្លួនវិញ។គណៈកម្មការចំពោះកិច្ចចាក់វ៉ាក់សាំងកូវីដ-១៩នឹងចេញសេចក្តីជូនដំណឹងបន្ថែមអំពីការចាក់វ៉ាក់សាំងនេះជូនដល់សាធារណជនបានជ្រាបនៅពេលក្រោយ៕