អន្តរជាតិ(Worldometers)៖ គិតត្រឹមម៉ោង ៨ព្រឹកថ្ងៃសៅរ៍ ទី២៤ ខែមេសា ឆ្នាំ២០២១នេះ ចំនួនអ្នកឆ្លងជំងឺកូវីដ១៩នៅទូទាំងពិភពលោក បានកើនឡើងដល់ ១៤៦,២៣៦,៤០០នាក់ហើយ។ ក្នុងនោះអ្នកស្លាប់មានចំនួន ៣,០៩៩,៤៦១នាក់ និងជាសះស្បើយឡើងវិញ១២៤,០២២,៦៥៣នាក់។
សហរដ្ឋអាមេរិក នៅតែជាប្រទេសមានចំនួនអ្នកឆ្លង និងស្លាប់ដោយសារជំងឺកូវីដ១៩ច្រើនជាងគេ។ សហរដ្ឋអាមេរិក មានអ្នកឆ្លងជំងឺកូវីដ១៩ចំនួន ៣២,៧៣៥,៧០៤នាក់ស្លាប់ចំនួន ៥៨៥,០៧៥នាក់ និងជាសះស្បើយចំនួន ២៥, ២៩៦,០៤៧នាក់។
ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ១៩ គឺប្រទេសឥណ្ឌា។ ឥណ្ឌាមានអ្នកឆ្លង ១៦,៦០២,៤៥៦នាក់ ស្លាប់ចំនួន ១៨៩,៥៤៩នាក់ និងជាសះស្បើយ ១៣,៨៦២, ១១៩នាក់។ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ប្រេស៊ីល មានអ្នកឆ្លង ១៤,២៣៨,១១០នាក់ ស្លាប់ ៣៨៦,៦២៣នាក់ និងជាសះស្បើយ ១២,៧១១, ១០៣នាក់៕