ខេត្តកំពង់ចាម៖ លោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តកំពង់ចាម បានលើកឡើងថាល្បែងស៊ីសងខុសច្បាប់តាមអនឡាយ ជល់មាន់ កន្ទុយលេខ អាប៉ោង លោកបានធ្វើការបង្ក្រាបដូចភ្លៀងរលឹម វាជាគោលការណ៍របស់រាជរដ្ឋាភិបាល និងជាគោលការណ៍របស់អគ្គស្នងការនគរបាលជាតិ គោលការណ៍របស់គណៈបញ្ជាការឯកភាពខេត្ត ធ្វើជារៀងរាល់ថ្ងៃ ដូចភ្លៀងរលឹម ឃាត់តែរហូតហើយកសាងសំណុំរឿងចាត់ការបន្តតាមផ្លូវច្បាប់ ហើយថ្មីៗនេះកម្លាំងរបស់លោកបានចុះទៅធ្វើកិច្ចសន្យានឹងឃាត់ខ្លួនក្រុមអ្នកបើកល្បែងអនឡាញបញ្ជូនទៅតុលាការ។ លោកឧត្តមសេនីយ៍ត្រី ហេង វុទ្ធី ស្នងការនគរបាលខេត្តបានប្រកាន់ជំហរមិនរាថយឡើយគឺ ធ្វើដូចភ្លៀងរលឹម មិនមែនធ្វើមួយប្រ៉ាវហើយឈប់នោះទេ ឱ្យតែបានឃើញគឺធ្វើហើយ។ សូមបញ្ជាក់ថា កាលពីថ្ងៃទី១៤ ខែសីហា ឆ្នាំ ២០២៣ កន្លងទៅ «លោកបានបញ្ជាឲ្យកម្លាំងជំនាញរបស់អធិការដ្ឋាននគរបាលស្រុកកងមាស , កម្លាំងរបស់ប៉ុស្តិ៍នគរបាល និងសហការជាមួយអាជ្ញាធរមូលដ្ឋាន បានចុះធ្វើការស្រាវជ្រាវ រកទីតាំងលេងល្បែងស៊ីសងខុសច្បាប់ (ជល់មាន់តាមទូរទស្សន៍) ចំនួន១២ទីតាំង ក្នុងភូមិសាស្រ្តស្រុកកងមាស ។ ជាលទ្ធផល កម្លាំងសមត្ថកិច្ចយើង បានចុះដល់ទីតាំងលក់បាយ គុយទាវ កាហ្វេ និងភេសជ្ជៈ ក្នុងនោះ ពួកគាត់បានបំភ្លឺជូនសមត្ថកិច្ចយើងឲ្យដឹងថា ជារៀងរាល់ថ្ងៃ ពួកគាត់បានបើក ទូរទស្សន៍ ដាក់បញ្ចាំងជល់មាន់ តាមកញ្ចក់ទូរទស្សន៍ ពិតប្រាកដមែន សមត្ថកិច្ចយើងបានធ្វើកិច្ចសន្យាអប់រំមិនឲ្យមានការលួចលាក់លេងល្បែងស៊ីសងខុសច្បាប់ជាដាច់ខាត និងបានចាត់ឲ្យសមត្ថកិច្ចមូលដ្ឋាន មានការឃ្លាំមើលជាប់ជាប្រចាំផងដែល»។សេចក្តីរាយការណ៍ពីប្រជាពលរដ្ឋបានអោយដឹងថា មានទីតាំងលេងល្បែងស៊ីសងប្រភេទអនឡាញ មាន់ជល់ តាមកញ្ចក់ទូរទស្សន៍ បង្កប់នៅតាមហាងកាហ្វេ តាមតារ៉ាងបាល់ កន្លែងបុកប៊ីយរ័ ជាច្រើនកន្លែង ស្ថិតនៅស្រុកកងមាស ខេត្តកំចាម កំពុងបើកទទួលក្រុមអ្នកញៀនល្បែងអោយចូលលេងយ៉ាងគគ្រឹកគ្រេង នឹងបង្ករការភ័យខ្លាចដល់ពូកគាត់ ខណៈសមត្ថកិច្ចនៅតាមមូលដ្ឋានគ្មានឆន្ទៈក្នុងការចុះបង្ក្រាបនៅល្បែងស៊ីសង ដែលកំពុងធ្វើឲ្យប៉ះពាល់ដល់សតិអារម្មណ៍បងប្អូនប្រជាពលរដ្ឋដែលរស់នៅក្នុងស្រុកកងមាស នៃខេត្តកំពង់ចាម។ ជាក់ស្តែងកាលពីថ្ងៃអាទិត្យទី១២ ខែវិច្ឆិកា ឆ្នាំ២០២៣ អ្នកសារព័ត៌មានយើង បានចុះទៅតាមទីតាំងដែលពលរដ្ឋរាយការណ៍ ឃើញថាដូចអ្វីដែលពូកគាត់រាយការណ៍ពិតមែន ហើយក៍បានថតផ្តិតយករូបភាពដើម្បីចុះផ្សាយជូនជាដំណឹងដល់ថ្នាក់ដឹកនាំ អោយលោកបានជ្រាបពាក់ព័ន្ធនឹងល្បែងនេះផងដែរ។ តើឯកសារទៅ គោលនយោបាយភូមិឃុំមានសុវត្ថិភាពទាំង ៧ ចំណុចរបស់រាជរដ្ឋាភិបាលដែលបានដាក់ចេញឱ្យក្រសួងមហាផ្ទៃអនុវត្តទូទាំងប្រទេសយ៉ាងណាក្តី តែមន្រ្តីមួយចំនួនតូចមិនទាន់អនុវត្តតាមគោលនយោបាយរបស់រាជរដ្ឋាភិបាលឡើយ ទើបធ្វើឲ្យប្រជាពលរដ្ឋមានការព្រួយបារម្ភ ចំពោះសុខ សុវត្ថិភាពរបស់ពួកគាត់ ពីព្រោះទីណាមានល្បែងស៊ីសងទីនោះនឹងក្លាយជាតំបន់អសន្តិសុខប្រជាពលរដ្ឋរស់នៅក្នុងការភ័យខ្លាចជាកន្លែងដែលបង្កើតភាវកម្មផ្សេងៗមានអំពើឆក់.ប្លន់.សម្លាប់ជាដើម។ ករណីខាងលើនេះសូមលោកឧត្ដមសេនីយ៍ត្រី ហេង វុទ្ធី ស្នងការនគបាលខេត្តកំពង់ចាម ជួយពិនិត្យមើលមន្ត្រីក្រោមឱវាទដែលរក្សាការពារនៅក្នុងទឹកដី ភូមិ/ឃុំ ខាងលើនេះផង តើរាល់ថ្ងៃនេះគាត់រវល់ធ្វើអ្វីដែរ? បានជាបណ្ដែតបណ្ដោយ អោយមានល្បែងស៊ីសង បង្កើតឡើងនៅក្នុងមូលដ្ឋាននៃស្រុកកងមាស ខេត្តកំពង់ចាម ដោយសេរីបែបនេះ? ជុំវិញការចុះផ្សាយខាងលើអង្គភាពសារព័ត៌មានយើងខ្ញុំ នឹងរងចាំការស្រាយបំភ្លឺ ពីសំណាក់សមត្ថកិច្ចពាក់ពន្ធ័ រៀងរាល់ម៉ោងធ្វើការ..សូមអគុណ៕ប្រភពពីលោក គ្រង រដ្ឋា ចាងហ្វាង រដ្ឋា អភិវឌ្ឍន៍ ញូស៍..
ព័ត៌មានគួរចាប់អារម្មណ៍
ឯកឧត្តមបណ្ឌិត អ៊ាង សុផល្លែត ឧបត្ថម្ភថវិកា ២០លានរៀលដល់ទូកខេត្តត្បូងឃ្មុំចំនួន១០ ដែលមកចូលរួមប្រកួតនៅរាជធានីភ្នំពេញ (ហង្សនាគ០១)
មានសន្តិភាព ទើបមានបុណ្យអុំទូកដ៏សប្បាយរីករាយនាពេលនេះ! (ហង្សនាគ០១)
រដ្ឋមន្ត្រីក្រសួងព័ត៌មាន៖ រាជរដ្ឋាភិបាលយល់ព្រម លើកលែងពន្ធប៉ាតង់ សារព័ត៌មាន តាមប្រព័ន្ធអនឡាញ ប្រភេទធុនតូចទាំងអស់ ជាបន្ទុករបស់រដ្ឋរយៈពេល ៥ ឆ្នាំ (២០២៣-២០២៨) និងកាត់បន្ថយកម្រៃ ស្នើសុំអាជ្ញាបណ្ណបង្កើតអង្គភាព សារព័ត៌មានថ្មី នៅក្រសួងព័ត៌មានចំនួន ៥០% (ហង្សនាគ០១)
រដ្ឋមន្ត្រីក្រសួងព័ត៌មាន៖ រាជរដ្ឋាភិបាលយល់ព្រម លើកលែងពន្ធប៉ាតង់ សារព័ត៌មាន តាមប្រព័ន្ធអនឡាញ ប្រភេទធុនតូចទាំងអស់ ជាបន្ទុករបស់រដ្ឋរយៈពេល ៥ ឆ្នាំ (២០២៣-២០២៨) និងកាត់បន្ថយកម្រៃ ស្នើសុំអាជ្ញាបណ្ណបង្កើតអង្គភាព សារព័ត៌មានថ្មី នៅក្រសួងព័ត៌មានចំនួន ៥០% ()
រឿងគ្រឿងចក្ររបស់ក្រុមហ៊ុន ធ្វើការឈូសឆាយដីនៅភូមិស្រឡៅស្រោង សង្ស័យជារឿងកន្ទេលធំបន្លំដេកទាំងក្រុមហ៊ុននិងអាជ្ញារធរដែលពាក់ព័ន្ធថ្នាក់ក្រោមជាតិ(វគ្គ២) (ហង្សនាគ០១)
វីដែអូ
ចំនួនអ្នកទស្សនា