រាជធានីភ្នំពេញ÷ ថ្ងៃសុក្រ ១កើត ខែកត្តិក ឆ្នាំរោងឆស័ក ពុទ្ធសករាជ ២៥៦៨ ត្រូវនឹងថ្ងៃទី១ ខែវិច្ឆិកា ឆ្នាំ២០២៤ តាំងនាមថ្នាក់ដឹកនាំសមាជិកសមាជិកាកណ្ដាលផែនជ័យឧត្តមរួមជាមួយនឹងផែនចំណុះទាំង១៣ផែន មានចិត្តរំភើបឥតឧបមាក្រោយពីបានទទួលព័ត៌មានជាផ្លូវការ កណ្ដាលផែនជ័យឧត្តមក្រោមការដឹកនាំរបស់លោកស្រី សួ ស្រីមុី ប្រធានកណ្ដាលផែន ត្រូវបានទទួលមេដៃស្ថាបនាសមាគមចំនួន ៤មេដៃ ក្នុងនោះមាសចំនួន៣ ប្រាក់ចំនួន១ នេះសបញ្ជាក់ឲ្យឃើញថាការខិតខំប្រឹងប្រែងរបស់លោកស្រីប្រធានព្រមទាំងថ្នាក់ដឹកនាំសមាជិកសមាជិកាកណ្ដាលផែនជ័យឧត្តមរួមជាមួយនឹងផែនចំណុះទាំង១៣ ទទួលបានមេដៃកម្រិតល្អប្រសើរនៅក្នុងការស្ថាបនាសមាគម ចងក្រងសមាជិកសមាជិកាដើម្បីចូលរួមចំណែកការអភិវឌ្ឍន៍ ជួយកិច្ចការសង្គម ជួយបណ្ដុះបណ្ដាលយុវជនជំនាន់ក្រោយ ធ្វើកិច្ចការមនុស្សធម៌ ដើម្បីជួយដល់សង្គមជាតិ ។
ក្នុងឱកាសដ៍វិសេសវិសាលនេះ យើងខ្ញុំទាំងអស់គ្នាសូមលើកហត្ថា បួងសួងដល់គុណបុណ្យព្រះរតនត្រ័យ វត្ថុស័ក្ដិសិទ្ធទាំងឡាយក្នុងលោក សូមជួយបីបាច់ថែរក្សា និងប្រោះព្រំនូវសព្វសាធុកាពរ សិរីសួស្ដី ជ័យមង្គល  វិបុលសុខមហាប្រសើរ ជូនចំពោះ លោកស្រី សួ ស្រីមុី ព្រមទាំងក្រុមគ្រួសារ សូមទទួលបាននូវ ពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
                        
#សហភាពសហព័ន្ធយុវជនកម្ពុជារាជធានីភ្នំពេញ
#ចលនាសេដ្ឋកិច្ចក្រៅប្រព័ន្ធ
#សមាគមរួមគ្នាដើម្បីអភិវឌ្ឍន៍កម្ពុជា
#កណ្ដាលផែនជ័យឧត្តម
#សួស្រីមុី #soursreymey