ថ្ងៃអង្គារ៍ ទី១៦ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!
រដ្ឋបាលខេត្តកំពង់ស្ពឺ មិនអនុញ្ញាតឱ្យល្បែងស៊ីសងគ្រប់ប្រភេទ
Mon,12 February 2024 (Time 11:25 AM)
ដោយ ៖ ហង្សនាគ០១ (ចំនួនអ្នកអាន: 144នាក់)

កំពង់ស្ពឺ៖ រដ្ឋបាលខេត្តកំពង់ស្ពឺ មិនអនុញ្ញាតឱ្យល្បែងស៊ីសងគ្រប់ប្រភេទបើកលេងនៅក្នុងដែនសមត្ថកិច្ចរបស់ខ្លួនទៀតហើយ ទោះជាល្បែងនោះមានច្បាប់ឬគ្មានច្បាប់ក៏ដោយ។ នេះបើយោងតាមលិខិតរបស់រដ្ឋបាលខេត្តកំពង់ស្ពឺដែលFast news យើងទទួលបាននៅថ្ងៃទី១១ ខែកុម្ភៈ ឆ្នាំ២០២៤ នេះ។

រដ្ឋបាលខេត្តកំពង់ស្ពឺ បានបញ្ជាក់ថា រដ្ឋបាលខេត្តមិនអនុញ្ញាតឱ្យបើកអាជីវកម្មឆ្នោតឡូតូ ល្បែងផ្សងសំណាងទៀតទេ និងចាត់វិធានការបង្ក្រាបល្បែង ស៊ីសងគ្រប់គ្រភេទ ក្នុងភូមិសាស្ត្រខេត្តកំពង់ស្ពឺ។ ដើម្បីថែរក្សាឱ្យបានសន្តិសុខ សុវត្ថិភាពសង្គម និងជំរុញការអនុវត្តច្បាប់ ក្នុងគោលបំណងពង្រឹងនិងលើកកម្ពស់គោលការណ៍នីតិរដ្ឋ ស្របតាមកម្មវិធីនយោបាយរបស់រាជរដ្ឋាភិបាលកម្ពុជា ជាពិសេសធានាបានសុខសន្តិភាព ការអភិវឌ្ឍ លើកកម្ពស់ ជីវភាពពលរដ្ឋឱ្យមានភាពរីកចម្រើនជាលំដាប់ អភិបាលក្រុង ស្រុក ត្រូវចូលរួមអនុវត្តការបញ្ឈប់ ឬ បញ្ចប់ការផ្តល់អាជ្ញាបណ្ណបើកអាជីវកម្មឆ្នោតឡូតូ ល្បែងផ្សងសំណាងគ្រប់ប្រភេទ និងបន្តស្រាវជ្រាវបង្ក្រាបនូវទីតាំង លេងល្បែងស៊ីសងខុសច្បាប់ និងបទល្មើសគ្រប់ប្រភេទក្នុងដែនសមត្ថកិច្ច ព្រមទាំងចាត់វិធានការតាមច្បាប់ឱ្យបានម៉ឹងម៉ាត់បំផុត។ការណ៍នេះអាជ្ញាធរមានសមត្ថកិច្ចគ្រប់លំដាប់ថ្នាក់ត្រូវយកចិត្តទុកដាក់ អនុវត្តនូវគោលនយោបាយភូមិ ឃុំ សង្កាត់ មានសុវត្ថិភាព និងធ្វើការបង្ក្រាបរាល់បទល្មើសជាប្រចាំ ធ្វើឱ្យពលរដ្ឋ មានជំនឿទុកចិត្តមកលើការដឹកនាំរបស់រាជរដ្ឋាភិបាល និងអាជ្ញាធរពាក់ព័ន្ធផងដែរ។

ជាមួយនឹងការដាក់ចេញនូវបទបញ្ជាថ្មីនេះ ប្រជាពលរដ្ឋបានសម្តែងការសាទរនិងសុំឱ្យរដ្ឋបាលខេត្តពិសេសលោក វ៉ី សំណាង ជំរុញដល់ការអនុវត្តឱ្យបានម៉ឺងម៉ាត់ ឱ្យដូចបទបញ្ជាទម្លាក់ស្លាកស្រាបៀរគ្រប់ប្រភេទចេញពីភូមិសាស្ត្រខេត្តកំពង់ស្ពឺ។

ពលរដ្ឋរស់នៅក្នុងភូមិពាណិជ្ជកម្ម សង្កាត់ស្វាយក្រវ៉ាន់ ក្រុងច្បារមនលោក រស់ ស៊ីផេង បាននិយាយថា ចំណាត់ការទម្លាក់ស្លាកស្រាបៀរគ្រប់ប្រភេទរបស់អភិបាលខេត្តកំពង់ស្ពឺ បានធ្វើឱ្យមានការសាទរពីប្រជាពលរដ្ឋទូទាំងប្រទេសនិងជាខេត្តគំរូផងដែរ។ ជាមួយនោះលោកថា អតីតនាយករដ្ឋមន្ត្រីនៃព្រះរាជាអាណាចក្រកម្ពុជា សម្តេចតេជោ ហ៊ុន សែន បានដាក់បទបញ្ជារួចមកហើយទៅតាមរដ្ឋបាលខេត្តឱ្យបង្ក្រាបនិងលុបបំបាត់ឱ្យបាននូវល្បែងស៊ីសង។ បទបញ្ជានេះត្រូវបានរដ្ឋបាលខេត្តក៏ដូចជាសមត្ថកិច្ចស្ទុះស្ទារ និងចាត់វិធានការក្តៅបង្ក្រាបដោយមិនមានការលើកលែង។ តែបទបញ្ជានេះហាក់មានសុពលភាពត្រឹមតែមួយចំអិនកំពិសប៉ុណ្ណោះ ក្រោយមកល្បែងទាំងអស់ក៏កម្រើកឡើងវិញជាធម្មតានិងពាសពេញក្នុងខេត្ត។

ដោយមើលឃើញបែបនេះលោក រស់ ស៊ីផេង សុំឱ្យរដ្ឋបាលខេត្ត ពិសេសលោក វ៉ី សំណាង ជំរុញដល់ការអនុវត្តឱ្យបានម៉ឺងម៉ាត់ ជៀសវាងសមត្ថកិច្ច កន្ទេលធំបន្លំដេក ត្រីងៀតឆ្លៀតពង ធ្វើឱ្យបទបញ្ជារដ្ឋបាលខេត្តគ្មានប្រសិទ្ធិភាព៕

ព័ត៌មានគួរចាប់អារម្មណ៍

ថ្នាក់ដឹកនាំមន្ទីរបរិស្ថានខេត្តស្វាយរៀង យកមេឃទ្រាប់អង្គុយ ហ៊ានចេញអាជ្ញាប័ណ្ណឲ្យរោងចក្រ ដោយមិនឆ្លងពិគ្រោះយោបល់សមត្ថកិច្ចក្រសួងបរិស្ថាន ! (ហង្សនាគ០១)

ព័ត៌មានគួរចាប់អារម្មណ៍

ថ្នាក់ដឹកនាំមន្ទីរបរិស្ថានខេត្តស្វាយរៀង យកមេឃទ្រាប់អង្គុយ ហ៊ានចេញអាជ្ញាប័ណ្ណឲ្យរោងចក្រ ដោយមិនឆ្លងពិគ្រោះយោបល់សមត្ថកិច្ចក្រសួងបរិស្ថាន ! ()

ព័ត៌មានគួរចាប់អារម្មណ៍

តើជញ្ជាំងពន្ធនាគារចំហរ ឬមួយក៏លោក អុឹម ឈួន អតីតស្នងការរងខេត្តកំពតប្រេីយ័នបាំងមេឃ ទេីបអាចរួចខ្លួនបានលឿនយ៉ាងនេះ... (ហង្សនាគ០១)

ព័ត៌មានគួរចាប់អារម្មណ៍

បទបញ្ជាស្ដីពី ការចាត់តាំងកម្លាំងចូលរួមថែរក្សាការពារតំបន់អភិរក្សព្រៃឈើធម្មជាតិទូទាំងប្រទេស (ហង្សនាគ០២)

ព័ត៌មានគួរចាប់អារម្មណ៍

ពិធីក្រុងពាលី បើកការដ្ឋានព្រឹត្តិការណ៍សង្ក្រាន្តអូរាំងឪ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខ (ហង្សនាគ០១)

វីដែអូ

ចំនួនអ្នកទស្សនា

ថ្ងៃនេះ :
26 នាក់
ម្សិលមិញ :
338 នាក់
សប្តាហ៍នេះ :
1053 នាក់
ខែនេះ :
11022 នាក់
3 ខែនេះ :
32423 នាក់
សរុប :
391722 នាក់