ថ្ងៃអង្គារ៍ ទី១៦ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!
ថ្លើមធំពាសមេឃ ឧកញ៉ាអ៊ាង ថៅកែ រមណីយដ្ឋានកោះស្នេហ៍ ចាក់ថ្មចូលទន្លេមេគង្គធ្វើជាកម្មសិទ្ធិ នៅភូមិព្រែកទទឹង ឃុំឬស្សីស្រុក ស្រុកស្រីសន្ធរ ខេត្តកំពង់ចាម
Fri,23 February 2024 (Time 09:36 AM)
ដោយ ៖ ហង្សនាគ០១ (ចំនួនអ្នកអាន: 131នាក់)

ខេត្តកំពង់ចាម÷អាចនិយាយបានថា ជាព្រឹត្តិការណ៍បំពានច្បាប់ដ៏ធំមួយដែលបុរសម្នាក់គេស្គាល់ថា ឈ្មោះអ៊ាង បានចាក់ដីប៉ុនប៉ងលុបទន្លេមេគង្គចូលចម្ងាយជាង៥០ ម៉ែត្រនិងបណ្ដោយចិត្ត 100 ម៉ែត្រ នៅចំណុចភូមិព្រែកទទឹង ឃុំឬស្សីស្រុក ស្រុកស្រីសន្ធរ ខេត្តកំពង់ ចាម ដែលបង្កឲ្យមានការភ្ញាក់ផ្អើលជាទូទៅនៅតាមបណ្ដាញសង្គម ហើយអាជ្ញាធរខេត្តកំពង់ចាមក៏បានកោះប្រជុំក្នុងរឿងនេះដែរ។ វិធានការជាបន្ទាន់ គឺឲ្យផ្អាកសកម្មភាពនិងកាយចេញ ប៉ុន្តែវិធានការយូរអង្វែងមិន ដឹងថា តើត្រូវចាប់អ្នកប្រព្រឹត្តល្មើសផ្តន្ទាទោសដែរឬយ៉ាងណាទេ?

សេចក្តីរាយការណ៍បានឲ្យដឹងថា ករណីចាក់ថ្មចូលទៅ លើផ្ទៃទឹកទន្លេមេគង្គ ព័ទ្ធធ្វើជាគ្រឹះរួចចាក់ដីបន្ថែមដើម្បីធ្វើជាកម្មសិទ្ធិផ្ទាល់ខ្លួននេះ ស្ថិតនៅភូមិព្រែកទទឹង ឃុំឬស្សីស្រុក ស្រុកស្រីសន្ធរ ដែលអាជ្ញាធរខេត្តកំពង់ចាម មិនគួរមានតែវិធានការ ត្រឹមតែធ្វើកិច្ចសន្យាបញ្ឈប់ និងឲ្យកាយចេញនោះទេ។ ផ្ទុយទៅវិញ គួរតែចាត់វិធានការតាមផ្លូវច្បាប់បញ្ជូនបុគ្គលពាក់ព័ន្ធ ទៅតុលាការទើប សមនឹងទង្វើដែលពួកគេបានធ្វើ។ បើច្បាប់មានហើយ ចំពោះអ្នក ប្រព្រឹត្តល្មើស គួរតែត្រូវអនុវត្តឲ្យបានតឹង តែងបំផុត មិនមែនដោយការយោគយល់បែបនេះទេ។

គួរបញ្ជាក់ថា រសៀលថ្ងៃទី២១ ខែកុម្ភៈ ឆ្នាំ២០២៤ នៅសាលប្រជុំសាលាខេត្ដ កកំពង់ចាមលោក ស្រី សុភ័ក្រ្ត អភិបាលរងខេត្ដ តំណាង លោក អ៊ុន ចាន់ដា អភិបាលខេត្ដកំពង់ចាម បានអញ្ជេីញដឹកនាំកិច្ចប្រជុំក្រុមការងារថ្នាក់ខេត្ដ ដេីម្បីត្រួតពិនិត្យ និងដាក់ចេញវិធានការទប់ ស្កាត់ការចាក់ថ្មចូលផ្ទៃទន្លេ មេគង្គ នៅចំណុចឃុំឫស្សី ស្រុក ស្រុកស្រីសន្ធរ ខេត្ដកំពង់ចាម ។ កិច្ចប្រជុំនោះបានជំរុញឲ្យជនប្រព្រឹត្តល្មើសច្បាប់ប្រទេសនេះ បញ្ឈប់សកម្មភាព ហើយត្រូវកាយថ្មនោះចេញវិញ ដោយមិនមានទោសកំហុសប្រឈមនឹងផ្លូវច្បាប់អ្វីឡើយ។

អ្នកភូមិនិយាយថា លោកអ៊ាង គឺជាជនដែលមានមុខ មាត់ហើយក៏ជាអ្នកមានលុយនៅតំបន់នោះ និងជាអ្នកដែលជិតស្និទ្ធជាមួយនឹងថ្នាក់ដឹកនាំខេត្តកំពង់ចាមដូច្នេះបើទោះបីជាគាត់មានទោសកំហុសយ៉ាងណា ក៏គេមិនអាចចេះតែអនុវត្តច្បាប់ទាំងទទឹងទទែងនោះបានឡើយ។ មិនតែប៉ុណ្ណោះគម្រោងនៃការចាក់ដីរំលោភយកផ្ទៃទន្លេមេគង្គសម្បត្តិរួមរបស់ប្រជាជាតិខ្មែរនេះ ក៏ទំនងទៅមានការបិទភ្នែកបត់ដុំដៃ ពីអាជ្ញាធរស្រុកស្រីសន្ធររួចហើយដែរ មិនមែនលោក អ៊ាង ចេះតែនឹកឃើញធ្វើម្នាក់ឯងនោះឡើយ។ ដូច្នេះបើអនុវត្តច្បាប់គេជឿថាមានជនចូលរួមចំណែកច្រើនក្នុងរឿងនេះប៉ុន្តែទំនងជាអាជ្ញាធរខេត្តកំពង់ចាម "ខ្ជិល" ពន្លាតខ្សែវែងនាំតែពាក់ព័ន្ធដល់គ្នីគ្នាឯង៕

ព័ត៌មានគួរចាប់អារម្មណ៍

ថ្នាក់ដឹកនាំមន្ទីរបរិស្ថានខេត្តស្វាយរៀង យកមេឃទ្រាប់អង្គុយ ហ៊ានចេញអាជ្ញាប័ណ្ណឲ្យរោងចក្រ ដោយមិនឆ្លងពិគ្រោះយោបល់សមត្ថកិច្ចក្រសួងបរិស្ថាន ! (ហង្សនាគ០១)

ព័ត៌មានគួរចាប់អារម្មណ៍

ថ្នាក់ដឹកនាំមន្ទីរបរិស្ថានខេត្តស្វាយរៀង យកមេឃទ្រាប់អង្គុយ ហ៊ានចេញអាជ្ញាប័ណ្ណឲ្យរោងចក្រ ដោយមិនឆ្លងពិគ្រោះយោបល់សមត្ថកិច្ចក្រសួងបរិស្ថាន ! ()

ព័ត៌មានគួរចាប់អារម្មណ៍

តើជញ្ជាំងពន្ធនាគារចំហរ ឬមួយក៏លោក អុឹម ឈួន អតីតស្នងការរងខេត្តកំពតប្រេីយ័នបាំងមេឃ ទេីបអាចរួចខ្លួនបានលឿនយ៉ាងនេះ... (ហង្សនាគ០១)

ព័ត៌មានគួរចាប់អារម្មណ៍

បទបញ្ជាស្ដីពី ការចាត់តាំងកម្លាំងចូលរួមថែរក្សាការពារតំបន់អភិរក្សព្រៃឈើធម្មជាតិទូទាំងប្រទេស (ហង្សនាគ០២)

ព័ត៌មានគួរចាប់អារម្មណ៍

ពិធីក្រុងពាលី បើកការដ្ឋានព្រឹត្តិការណ៍សង្ក្រាន្តអូរាំងឪ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខ (ហង្សនាគ០១)

វីដែអូ

ចំនួនអ្នកទស្សនា

ថ្ងៃនេះ :
36 នាក់
ម្សិលមិញ :
338 នាក់
សប្តាហ៍នេះ :
1063 នាក់
ខែនេះ :
11032 នាក់
3 ខែនេះ :
32433 នាក់
សរុប :
391732 នាក់