ថ្ងៃសុក្រ ទី២១ ខែមិថុនា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!
សាលាបឋមសិក្សាព្រះនរោត្តម រាជធានីភ្នំពេញ អប់រំសិស្សឲ្យកែប្រែទម្លាប់ចាស់ ទទួលនូវផ្នត់គំនិតថ្មី អនុវត្តទៅលើ «កម្ពុជាស្អាត ខ្មែរធ្វើបាន»
Thu,06 June 2024 (Time 08:31 PM)
ដោយ ៖ ហង្សនាគ០១ (ចំនួនអ្នកអាន: 38នាក់)

ឈានជើងចូលផុតពីមាត់ទ្វារ នៃសាលាបឋមសិក្សាព្រះនរោត្តម រាជធានីភ្នំពេញ គេនឹងឃើញបដារមួយធំ ចងទទឹងផ្លូវខាងក្នុង ដែលមាន អត្ថន័យថា «បំរាម ហាមប្រើប្រាស់ថង់ប្លាស្ទិក កែវជ័រ ដបប្លាស្ទិក និងប្រអប់ស្នោគ្រប់ប្រភេទ នៅក្នុងបរិវេណសាលារៀន» ។ បដារនេះ ក៏មានន័យទៅដល់ការជូនដំណឹងដល់សិស្ស ឬមាតាបិតា អាណាព្យាបាល ដែលបានជូនកូនរបស់ខ្លួនមករៀន បានទទួលអាន និងយល់ដឹងអំពីបម្រាមរបស់សាលា ក្នុងការរឹតបន្តឹងការប្រើប្រាស់ថង់ប្លាស្ទិក ប្រអប់ស្នោ និងកែវជ័រ ចាប់ពីពេលផ្សព្វផ្សាយនេះទៅ ។

ក្នុងន័យនេះ សាលាបានទទទួលនូវយុទ្ធនាការទីពីរ គឺ«កម្ពុជាស្អាត ខ្មែរធ្វើបាន» ដែលបានដាក់ចេញដោយក្រសួងបរិស្ថានកាលពីថ្ងៃទី ១៥ ឧសភា ឆ្នាំ ២០២៤ ក្រោយយុទ្ធនាការ «ថ្ងៃនេះខ្ញុំមិនប្រើថង់ប្លាស្ទិកទេ» ដែលមានសាលាជាង ១.០០០ នៅទូទាំងប្រទេស និងមានសិស្សានុសិស្សចូលរួមជាង ១លាននាក់ អនុវត្តទទួលបានជោគជ័យរួចមក ។

«កម្ពុជាស្អាត ខ្មែរធ្វើបាន» ដែលសាលាបឋមសិក្សាព្រះនរោត្តម ចាប់ផ្តើមអនុវត្តបានដាក់កម្រិតយ៉ាងតឹងរឹងដំបូងគេនៅកម្ពុជា ក៏ព្រោះតែសាលារៀនគឺជាថ្នាលបណ្តុះចំណេះដឹងទូទៅ អប់រំសីលធម៌ សុជីវធម៌ និងឥរិយាបថហាត់ពត់លត់ដំនៃការរស់នៅពីក្មេង និងឲ្យសិស្សកែប្រែទម្លាប់ចាស់ ទទួលនូវផ្នត់គំនិតថ្មី ដើម្បីក្លាយជាធនធានមនុស្សដ៏ល្អ មានគុណភាពសម្រាប់ប្រទេសជាតិ ។

ឯកឧត្តម បណ្ឌិតរដ្ឋមន្ត្រី បានលើកឡើងថា នេះជាជោគជ័យមួយក្នុងយុទ្ធនាការ ដែលបានគ្របដណ្តប់នៅទូទាំងប្រទេស ហើយលទ្ធផលខាងលើបានបង្ហាញពីការយកចិត្តទុកដាក់ក្នុងការចូលរួមពីគ្រប់ភាគីពាក់ព័ន្ធ ទាំងស្ថាប័នរដ្ឋ ទាំងវិស័យឯកជន អាជ្ញាធរមូលដ្ឋានគ្រប់លំដាប់ថ្នាក់ លោកគ្រូ អ្នកគ្រូ និងសិស្សានុសិស្សនៅតាមសាលារៀនទូទាំងប្រទេស ។

ពាក្យស្លោកនេះ ថ្វិត្បិតមានខ្លឹមសារខ្លី  តែបើគិតពីអនាគតរបស់កូនខ្មែរតជំនាន់ វាមានរយៈពេលវែងឆ្ងាយណាស់ វាមានអត្ថន័យទូលំទូលាយជ្រាលជ្រៅ បំផុសឲ្យខ្មែរយើងគ្រប់រូប បើកបេះដូងទទួលយក និងអនុវត្តព្រមគ្នា ទើបសង្គមខ្មែរយើងស្អាត សង្គមយើងស្អាត ពលរដ្ឋរស់នៅប្រកបដោយផាសុកភាព វិស័យទេសចរណ៍យើងក៏ស្រស់បំព្រង ហើយស្រូបទាញដួងចិត្តជនបរទេសឲ្យចូលមកកម្សាន្តច្រើនថ្កើនជីវភាពប្រជាពលរដ្ឋយើង ៕

ព័ត៌មានគួរចាប់អារម្មណ៍

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានកម្ពុជា អញ្ជើញចូលរួមវេទិកាធុរកិច្ចកម្ពុជា-សិង្ហបុរី នារសៀលថ្ងៃទី១៨ ខែមិថុនា ឆ្នាំ២០២៤  ក្រោមអធិបតីដ៏ខ្ពង់ខ្ពស់  សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងទស្សនកិច្ចផ្លូវការប្រកបដោយផ្លែផ្កា នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ (ហង្សនាគ០១)

ព័ត៌មានគួរចាប់អារម្មណ៍

សមាគមរួមគ្នាដើម្បីអភិវឌ្ឍន៍កម្ពុជា និងជាចលនាសេដ្ឋកិច្ចក្រៅប្រព័ន្ធនៃ ស ស យ ក រាជធានីភ្នំពេញ បានប្រារពកម្មពិធីប្រកាសតែងតាំង ប្រធានកណ្តាលផែនជ័យឧត្តម និងអនុប្រធានផែនជ័យមង្គល ចំណុះកណ្ដាលជ័យឧត្តម (ហង្សនាគ០១)

ព័ត៌មានគួរចាប់អារម្មណ៍

ព្រោះតែរឿងផលប្រយោជន៍ និង លាភសក្ការៈធ្វើឲ្យមនុស្សបាត់បង់អស់នូវគុណធម៌និងតម្លៃជាមនុស្សអស់.(វគ្គ.៣.) (ហង្សនាគ០១)

ព័ត៌មានគួរចាប់អារម្មណ៍

ព្រោះតែរឿងផលប្រយោជន៍ និង លាភសក្ការៈធ្វើឲ្យមនុស្សបាត់បង់អស់នូវគុណធម៌និងតម្លៃជាមនុស្សអស់.(វគ្គ.៣.) ()

ព័ត៌មានគួរចាប់អារម្មណ៍

សាលាបឋមសិក្សាព្រះនរោត្តម រាជធានីភ្នំពេញ អប់រំសិស្សឲ្យកែប្រែទម្លាប់ចាស់ ទទួលនូវផ្នត់គំនិតថ្មី អនុវត្តទៅលើ «កម្ពុជាស្អាត ខ្មែរធ្វើបាន» (ហង្សនាគ០១)

វីដែអូ

ចំនួនអ្នកទស្សនា

ថ្ងៃនេះ :
201 នាក់
ម្សិលមិញ :
198 នាក់
សប្តាហ៍នេះ :
1402 នាក់
ខែនេះ :
9576 នាក់
3 ខែនេះ :
37439 នាក់
សរុប :
419750 នាក់