អាមេរិក ៖ ប្រធានាធិបតីជាប់ឆ្នោតលោក Joe Biden បានព្រមានថា ការមិនមានឆន្ទៈផ្ទេរអំណាចរបស់ប្រធានាធិបតី Donald Trump នឹងធ្វើប្រជាជនអាមេរិកកាន់តែច្រើនអាចនឹងស្លាប់ដោយសារជំងឺកូវីដ១៩ ខណៈរបស់រដ្ឋបាលលោក Biden និយាយអំពីផែនការចែកចាយវ៉ាក់សាំង។នៅពេលត្រូវបានសួរដោយអ្នកយកព័ត៌មានថា តើនឹងមានលទ្ធផលបែបណាបើលោក Trump នៅតែប៉ុនប៉ងបន្តរារាំងការផ្ទេរអំណាច លោក Biden បានព្រមានថា “មនុស្សកាន់តែច្រើនអាចនឹងស្លាប់ប្រសិនបើយើងមិនសហការគ្នា”។ថ្លែងក្នុងទីក្រុង Wilmington នៃរដ្ឋ Delaware លោក Biden បានចោទជាសំណួរថា “តើយើងឲ្យប្រជាជនអាមេរិកជាង៣០០លាននាក់ទទួលបានវ៉ាក់សាំងដោយរបៀបណា? តើអ្វីទៅជាផែនការនៃហ្គេមនេះ? វាជាកិច្ចការដ៏ធំធេងដើម្បីសម្រេចបានវា”។ លោកបន្តទៀតថា “ប្រសិនបើយើងត្រូវរង់ចាំរហូតដល់ថ្ងៃទី២០ខែមករាដើម្បីចាប់ផ្តើមផែនការនេះនោះ វានឹងធ្វើឲ្យយើងខកខានជាងមួយខែ ដូច្នេះវាជាការសំខាន់ណាស់ដែលត្រូវធ្វើឲ្យហើយ ត្រូវតែមានការសម្របសម្រួលឥឡូវនេះឬឲ្យបានឆាប់តាមដែលអាចធ្វើទៅបាន”។ក្រោយមក នៅក្នុងការឆ្លើយតបទៅនឹងសំណួររបស់អ្នកយកព័ត៌មានម្នាក់ទៀត លោក Biden បាននិយាយថា លោកបាននិយាយជាមួយសមាជិកសភាគណបក្សសាធារណរដ្ឋជាច្រើនរូបហើយលោកពិតជាអាណិតអាសូរចំពោះជំហរដ៏លំបាកដែលប្រធានាធិបតីបានដាក់លើពួកគេ។ លោក Biden លើកឡើងថា “ខ្ញុំសង្ឃឹមថា លោកប្រធានាធិបតីនឹងបំភ្លឺបន្ថែមទៀតមុនពេលយើងទៅដល់ថ្ងៃទី២០ ខែមករា”៕
ព័ត៌មានគួរចាប់អារម្មណ៍
ឯកឧត្ដមបណ្ឌិត អ៊ាង សុផល្លែត បន្ដយុទ្ធនាការដាំកូនឈើ ១ម៉ឺន៥ពាន់ដើម នៅខេត្តឧត្តរមានជ័យ (ហង្សនាគ០១)
ប្រមុខរាជរដ្ឋាភិបាល ដែលបង្កឱ្យមានហានិភ័យ និងបញ្ហាផ្សេងៗមកលើប្រជាពលរដ្ឋខ្មែរ។ (ហង្សនាគ០១)
ប្រមុខរាជរដ្ឋាភិបាល ដែលបង្កឱ្យមានហានិភ័យ និងបញ្ហាផ្សេងៗមកលើប្រជាពលរដ្ឋខ្មែរ។ ()
ប្រជាពលរដ្ឋបន្ដឆ្លងដែន ខុសច្បាប់តាមច្រករបៀងភ្នំដី សង្ស័យថាមានអ្វីបិទបាំងទើបមិនមានចំណាត់ការ..! (ហង្សនាគ០១)
ឯកឧត្តមបណ្ឌិត អ៊ាង សុផល្លែត៖ កម្ពុជាត្រូវមានការចូលរួមពីអ្នកពាក់ព័ន្ធក្នុងការថែទាំសុខភាពសមុទ្រ (ហង្សនាគ០១)
វីដែអូ
ចំនួនអ្នកទស្សនា