នីហ្សេរីយ៉ា ៖ យោធានីហ្សេរីយ៉ាបាននិយាយថា មនុស្ស១៨នាក់ត្រូវបានគេសម្លាប់ បន្ទាប់ពីការវាយឆ្មក់លើក្បួនរថយន្តរបស់រដ្ឋាភិបាលនៅភាគពាយព្យនៃប្រទេស។ នេះបើយោងតាមប្រភពពីសារព័ត៌មាន BBC។របាយការណ៍នោះបាននិយាយថា ទាហាន៤នាក់ មន្ត្រីប៉ូលិស១០នាក់ និងជនស៊ីវិល៤នាក់ត្រូវបានសម្លាប់នៅក្នុងការវាយប្រហារសំដៅទៅលើមន្ត្រីរដ្ឋ Borno កាលពីថ្ងៃសុក្រ។ក្រុមរដ្ឋអ៊ីស្លាម (IS) បាននិយាយថា ខ្លួនស្ថិតនៅពីក្រោយការវាយប្រហារដោយអះអាងថា មានមនុស្ស ៣០នាក់ត្រូវបានសម្លាប់ ខណៈដែលយោធាបានប្រយុទ្ធនឹងក្រុមសកម្មប្រយុទ្ធអ៊ីស្លាមអស់រយៈពេលជាងមួយទសវត្សរ៍មកហើយ។នៅក្នុងសេចក្តីថ្លែងការណ៍មួយរបស់លោកឧត្តមសេនីយ៍ John John Enenche អ្នកនាំពាក្យទីបញ្ជាការការពារជាតិនីហ្សេរីយ៉ាបាននិយាយថា ពួកសកម្មប្រយុទ្ធបានដាក់ឧបករណ៍រំសេវផ្ទុះ(IED)នៅលើផ្លូវពីទីក្រុង Monguno ទៅកាន់ទីក្រុង Baga។សេចក្តីថ្លែងការណ៍បាននិយាយថា ក្រោយមកកងទ័ពបានចាប់រថយន្តដឹកកាំភ្លើងរបស់ក្រុមសកម្មប្រយុទ្ធនិងបានរកឃើញរថយន្តប៉ូលីសចំនួន២ គ្រឿងដែលក្រុមអ្នកវាយប្រហារបានរឹបអូសបាន។ក្រុមមន្ត្រីទាំងនោះបានធ្វើដំណើរដើម្បីបញ្ចប់ការរៀបចំសម្រាប់ប្រជាជនដែលផ្លាស់ប្តូរទីលំនៅវិលត្រឡប់ទៅទីក្រុង Baga វិញនៅពេលពួកគេត្រូវបានគេស្ទាក់ចាប់។រដ្ឋាភិបាលបាននិយាយថា អភិបាលរដ្ឋ Borno គឺលោក Babagana Zulum ស្ថិតនៅក្នុងក្បួនរថយន្តមុន ហើយមិនមានបញ្ហាអ្វីទេ។ មនុស្សជាង៣ម៉ឺននាក់ត្រូវបានសម្លាប់ និងរាប់លាននាក់ត្រូវភៀសខ្លួនចេញពីផ្ទះរបស់ពួកគេដោយសារតែការបះបោររបស់ក្រុមសកម្មប្រយុទ្ធឥស្លាម Boko Haram។ពួកគេបានបើកប្រតិបត្តិការយោធារបស់ពួកគេក្នុងឆ្នាំ ២០០៩ ហើយការវាយប្រហាររបស់ពួកគេបានរាលដាលពីភាគពាយ័ព្យប្រទេសនីហ្សេរីយ៉ាទៅកាន់ប្រទេសជិតខាងដូចជា ប្រទេសឆាដ នីហ្សេរ និងកាមេរូនជាដើម៕
ព័ត៌មានគួរចាប់អារម្មណ៍
ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន ចុះពិនិត្យការសាងសង់ កន្លែងវិបស្សនាថ្មីនៅក្នុងបរិវេណមជ្ឈមមណ្ឌលវប្បធម៌ព្រះពុទ្ធសាសនាកម្ពុជា លើឧទ្យានជាតិព្រះសុរាម្រឹតកុសុមៈ«គីរីរម្យ» (ហង្សនាគ០១)
កិច្ចការអន្តរាគមន៍សង្គ្រោះស្រូវរបស់ប្រជាកសិករ ត្រូវបានយកចិត្តទុកដាក់ និងចាត់ជាអាទិភាព ដេីម្បីធ្វេីសកម្មភាព និងមានចំណាត់ការប្រកបដោយប្រសិទ្ធភាព.. Posted on April 20, 2024 Authoradm Comment(0) (ហង្សនាគ០១)
កិច្ចការអន្តរាគមន៍សង្គ្រោះស្រូវរបស់ប្រជាកសិករ ត្រូវបានយកចិត្តទុកដាក់ និងចាត់ជាអាទិភាព ដេីម្បីធ្វេីសកម្មភាព និងមានចំណាត់ការប្រកបដោយប្រសិទ្ធភាព.. Posted on April 20, 2024 Authoradm Comment(0) ()
បទយកការណ៍ ជុំវិញពិធីសង្ក្រាន្តអូររាំងឪ ក្រោមគំនិតផ្ដួចផ្ដើមរបស់រដ្ឋមន្ត្រីក្រសួងបរិស្ថាន... (ហង្សនាគ០១)
ពិធីប្រកាសចូលកាន់តំណែង ឧត្តមសេនីយ៍ទោ ហួត សុធី ជាស្នងការនគរបាលខេត្តសៀមរាបថ្មី ជំនួសឧត្តមសេនីយ៍ទោ តេង ច័ន្ទណាត ដែលត្រូវបានផ្លាកប្ដូរទៅកាន់ភារកិច្ចថ្មី (ហង្សនាគ០១)
វីដែអូ
ចំនួនអ្នកទស្សនា