ថ្ងៃសុក្រ ទី២១ ខែមិថុនា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ ហង្សនាគ!
លោកកឹម សុខា​​បា​ន​អំពាវនាវ​ឲ្យ​តុលាកា​រ​ទម្លាក់​ចោល​កា​រ​ចោទ​ប្រកាន់​
Thu,03 September 2020 (Time 10:14 AM)
ដោយ ៖ សហការី (ចំនួនអ្នកអាន: 1181នាក់)

នាថ្ងៃ​ពុធ​អតីតប្រធាន​គណបក្ស​សង្រ្គោះ​ជាតិ​គឺ​លោក ​កឹម សុខា​​បាន​អំពាវនាវ​សាជា​ថ្មី​ឲ្យ​តុលាការ​ទម្លាក់​ចោល​ការ​ចោទ​ប្រកាន់​លើ​រូប​លោក។​លោក ​កឹម សុខា​ ត្រូវ​បាន​ចាប់​ខ្លួន​ នា​ពេល​រាត្រី​ថ្ងៃ​ទី ​២ ​ឈាន​ចូល​ថ្ងៃទី ​៣ ​ខែ​កញ្ញា ​ឆ្នាំ​ ២០១៧។​ មក​ទល់​ពេលនេះ​ លោក​ត្រូវ​បាន​ដាក់​ឲ្យ​នៅ​ក្រៅឃុំ​ តែ​សវនាការ​លើ​សំណុំ​រឿង​ «សន្ទិដ្ឋិភាព​ជាមួយ​បរទេស»​ របស់​លោកនៅ​តែ​បន្ត​អូស​បន្លាយ។​កាលពី​ថ្ងៃ​ពុធលោក​បាន​បង្ហោះ​សារ​លើ​ប្រព័ន្ធ​សង្គម​ហ្វេសប៊ុក​ថា៖ ​«រហូត​មក​ដល់​ថ្ងៃ​នេះ​ អស់​រយៈ​ពេល​បី​ឆ្នាំ​ហើយ ​ដែល​ខ្ញុំ​បាត់​បង់​នូវ​សិទ្ធិ​សេរីភាព ​ពិសេស​សិទ្ធិ​ក្នុង​ការ​ធ្វើ​នយោបាយ ​ដើម្បី​បម្រើ​ប្រទេស​ជាតិ​ និង​ប្រជាពលរដ្ឋ​ខ្មែរ»។​លោក ​កឹម សុខា​ បន្ថែម​ថា៖​ «កាលៈទេសៈ​នេះ​ខ្មែរ​គួរ​តែ​មាន​ការ​ផ្សះ​ផ្សា​ជាតិ ​ឯក​ភាពជាតិ ​ហើយ​ខ្ញុំ​គួរ​តែ​មាន​សិទ្ធិ​សេរីភាព​ពេញ​លេញ ​ដើម្បី​អាច​ចូល​រួម​បម្រើជាតិ​មាតុភូមិ​ និង​ប្រជា​ពលរដ្ឋខ្មែរ​យើង​ ជា​ពិសេស​ចូលរួម​រក​ដំណោះ​ស្រាយ​ទៅ​លើ​បញ្ហា​ប្រឈម​ដ៏​សំខាន់​បំផុត ​គឺ​ជីវភាព​ប្រជា​ពលរដ្ឋ​ខ្មែរ​ ដែល​នឹង​ត្រូវ​រង​ផល​ប៉ះពាល់​ដោយសារ​បញ្ហា​សេដ្ឋ​កិច្ច​កម្ពុជា​ផ្ទាល់ ​និង​ឥទ្ធិពល​វិបត្តិ​សេដ្ឋកិច្ច​ពិភព​លោក»។​សារ​របស់​លោក ​កឹម សុខា ​បន្ត​ទៀត​ថា​ ឆ្លង​តាម​សវនាការ​នៅ​តុលាការ​កន្លង​មក​ លោក​មើល​ឃើញ​ថា​មិន​មាន ​«ភស្តុតាង​ដាក់​បន្ទុក​ជាក់​លាក់​និង​គ្រប់គ្រាន់» ​ក្នុង​ការ​ចោទ​ប្រកាន់​លើ​រូប​លោក​ឡើយ។​លោក​មាន​ប្រសាសន៍​ថា៖ ​«ដូច្នេះ​ឈរ​លើ​ស្មារតី​ខាង​លើ​នេះ រួម​ទាំង​ស្មារតី​ផ្សះ​ផ្សា​ជាតិ បង្រួម​បង្រួម​ជាតិ ខ្ញុំ​សូម​ឲ្យ​តុលាការ​ពិចារណា​ទម្លាក់​ចោល​បទ​ចោទ​ប្រកាន់​មក​លើ​រូប​ខ្ញុំ​ និង​ផ្តល់​សិទ្ធិ​សេរីភាព​ពេញ​លេញ​ ដើម្បី​ឲ្យ​ខ្ញុំ​អាច​បន្ត​ចូល​រួម​បម្រើ​ជាតិ​និង​ប្រជា​ពលរដ្ឋខ្មែរ​ ក្រោម​ដំបូល​រដ្ឋ​ធម្មនុញ្ញ​នៃ​ព្រះ​រាជាណាចក្រ​កម្ពុជា​ ក្នុង​កាលៈទេសៈ​នៃ​ស្ថានភាព​បច្ចុប្បន្ន​នេះ​និង​ទៅ​អនាគត»។​សវនាការ​លើ​សំណុំ​រឿង​លោក ​កឹម សុខា​ បាន​ចាប់​ផ្ដើម​ពី​ថ្ងៃ​ទី​ ១៥ ​ខែ​មករា ​ឆ្នាំ​ ២០២០​។ប៉ុន្តែ​ត្រូវ​បាន​ពន្យារ​ពេល​ចាប់​តាំង​ពី​ចុង​ខែ​មិថុនាដោយ​ក្រុមមន្ត្រី​លើក​ឡើង​ថា ​ជា​ការ​បង្ការ​ទប់ស្កាត់​ជំងឺ​កូវីដ១៩។​លោក​ កឹម សុខា ​ដែល​ត្រូវ​បាន​ដាក់​ឲ្យ​នៅ​ក្រៅ​មន្ទីរ​ឃុំឃាំង ​និង​លើក​លែង​ការ​ឃុំ​នៅ​ផ្ទះ​នោះ ​ត្រូវ​បាន​គេ​ឃើញ​ថា​ បាន​ចេញ​ដំណើរ​ទៅ​ទស្សន​កិច្ច​នៅ​តាម​ខេត្ត​ជុំវិញ​បឹង​ទន្លេសាប ​និង​បណ្ដា​ខេត្ត​ផ្សេង​ទៀត ​ដូចជា​ខេត្ត​កំពង់ចាម​ និង​ត្បូងឃ្មុំ​ជា​ដើម។ ​ទោះបី​លោក​ត្រូវ​តុលាការ​ព្រមាន​ដាស់​តឿន​ក្រើន​រំឭក​ពី​លក្ខខណ្ឌ​តម្រូវ​នៃ​នីតិវិធី​ឃ្លាំ​មើល​របស់​តុលាការក្ដី៕

ព័ត៌មានគួរចាប់អារម្មណ៍

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថានកម្ពុជា អញ្ជើញចូលរួមវេទិកាធុរកិច្ចកម្ពុជា-សិង្ហបុរី នារសៀលថ្ងៃទី១៨ ខែមិថុនា ឆ្នាំ២០២៤  ក្រោមអធិបតីដ៏ខ្ពង់ខ្ពស់  សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ក្នុងទស្សនកិច្ចផ្លូវការប្រកបដោយផ្លែផ្កា នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ (ហង្សនាគ០១)

ព័ត៌មានគួរចាប់អារម្មណ៍

សមាគមរួមគ្នាដើម្បីអភិវឌ្ឍន៍កម្ពុជា និងជាចលនាសេដ្ឋកិច្ចក្រៅប្រព័ន្ធនៃ ស ស យ ក រាជធានីភ្នំពេញ បានប្រារពកម្មពិធីប្រកាសតែងតាំង ប្រធានកណ្តាលផែនជ័យឧត្តម និងអនុប្រធានផែនជ័យមង្គល ចំណុះកណ្ដាលជ័យឧត្តម (ហង្សនាគ០១)

ព័ត៌មានគួរចាប់អារម្មណ៍

ព្រោះតែរឿងផលប្រយោជន៍ និង លាភសក្ការៈធ្វើឲ្យមនុស្សបាត់បង់អស់នូវគុណធម៌និងតម្លៃជាមនុស្សអស់.(វគ្គ.៣.) (ហង្សនាគ០១)

ព័ត៌មានគួរចាប់អារម្មណ៍

ព្រោះតែរឿងផលប្រយោជន៍ និង លាភសក្ការៈធ្វើឲ្យមនុស្សបាត់បង់អស់នូវគុណធម៌និងតម្លៃជាមនុស្សអស់.(វគ្គ.៣.) ()

ព័ត៌មានគួរចាប់អារម្មណ៍

សាលាបឋមសិក្សាព្រះនរោត្តម រាជធានីភ្នំពេញ អប់រំសិស្សឲ្យកែប្រែទម្លាប់ចាស់ ទទួលនូវផ្នត់គំនិតថ្មី អនុវត្តទៅលើ «កម្ពុជាស្អាត ខ្មែរធ្វើបាន» (ហង្សនាគ០១)

វីដែអូ

ចំនួនអ្នកទស្សនា

ថ្ងៃនេះ :
152 នាក់
ម្សិលមិញ :
198 នាក់
សប្តាហ៍នេះ :
1353 នាក់
ខែនេះ :
9527 នាក់
3 ខែនេះ :
37390 នាក់
សរុប :
419701 នាក់